Ons het die Surfertjie seker meer as 5 jaar gehad en nooit die skottelgoed wasbak of stofie in die wa gebruik.
Dit was altyd 'n gestoei om die skottelgoed, potte, ketel, broodrooster, bekers, tafeldoeke en eetgerei ordentlik gepak te kry en dan skud dit in elk geval deurmekaar terwyl jy ry.
Tweedens is daar nie 'n sitplekkie in die Surfer waar ma kan sit en poeier en paint nie, en ek het nie 'n plekkie om te sit en lees as ma al kooi toe geskuif het nie.
Na een van die trippies het ek net genoeg gehad en die besigheid mooi beloer en die volgende ombouings gemaak.
Oorspronklike Kassies en blad gesien van binne af na die deur.
Kassies gesien vanaf die Bed.
Ombouing met nuwe laaie.
Kassie gepak na ombouing.
Eindresultaat.
André..........
André, jy het wraggies 'n baie sinvolle verandering aangebring en dit lyk sommer baie netjies gedoen.
Kyk ek reg, het jy die plastiek trappie van 'n hout bo-kant voorsien ?
Andre, dit lyk heel goed…
Andre, dit lyk heel goed. Lekker as 'n mens dit self kan doen.
Dit is vir daai rede dat ek my trappie vas aan die wa gemaak het sodat dit kan uitgly en op twee ekstra pootjies staan
Hi Willem,
Middag Willem,
Nee swaer - die Surfer het reeds 'n stort, toilet en wasbak in. Dit is net erg beknop.
Daarom dink ek om dalk 'n PENTA te koop, Daai kombuis met stofie en wasbak in die PENTA uit te haal en 'n 80 x 80 cm stort daar in te bou. Dink aan 'n gewone veselglas stortbak met kante van plastiekblaaie wat mens by Maizies kan koop.
Wil dit gemakliker maak vir Magda want ek gebruik dit in elk geval nie . Ek gebruik oord se ablusies
Julle manne is so oulik wat…
Julle manne is so oulik wat altyd alles gerieflik wil maak vir ons vrouens. Ons waardeer dit baie, hoor! Ek hou baie daarvan om saans storieboek te lees as ek gaan lê. Gedurende ons lang kamp nou pas, het ek net aan Colin genoem ek sien nie altyd so lekker as die boek se druk bietjie klein is nie. Nou die dag is hy hier weg met die karavaan, kom terug, hy het nuwe ligte laat insit. Sê hy vir my, nou sal jy nie weer sukkel om te lees nie!
Andre, jou wa lyk baie mooi met die veranderinge. Dit is 'n gawe om sulke dinge self te kan doen.
Dankie Andre, dit is baie…
Dankie Andre, dit is baie netjies!