The Dancer

Gister die dag in Mapanbugwe deurgebring, ook een van SANParke se juwele, pragtig en 'n baie lekker dag gehad.

Moes haastig terugkom want ek het Maandag al gereel vir 'n lekker 60s partytjie. Met die oord gereel dat ons die boma kon gebruik, en hulle het toe vir ons die vuur voorsien, assook tafels en stoele.

Begin met 'n lekker ring en braai en toe die aand deur gedans op lekker 60s musiek wat ek alles op 'n stokkie gesit het en deur die rekenaar op lekker groot speakers gespeel het.

Nou daar is mos nie 'n manier wat mens kan stilsit as daai lekker ritme so sterk begin deurkom nie, ek het getwist, gerock, die limbo gedoen tot ek plat agteroor op my dinges geval het. Snaaks so 40 jaar terug 'n limbo kompetiesie gewen waar ek onder die stok wat op 35cm was kon deurdans. Gisteraand val ek toe plat op 1m!!?

Desire, 'n jong dametjie van 76, het ons almal se respek verdien, sy het omtrent nie 'n enkele dans uitgesit nie. Sy het my ook ore aangesit met die twist, ek kon laer as sy afsak maar dan moet ek op die grond druk om weer op te kom. Sy twist af tot op haar hurke en dan kom sy los hande weer op!!

Petratjie het ook later haar pyne en kwale ge-ignoreer en my kom join man het ons nou lekker ge-pepsi en al daai lekker ou lewendige danse, ek kon haar selfs nog met die twist so tussen my bene deur laat slide!!

Kyk hierrie ou spul pensioenarise hier kan en mag nog, baie lank laas so lekker aand gehad, sopnat gesweet van allie dans.

Ek kry toe 'n nuwe bynaam, ek staan nou bekend as "The Dancer" en is aangestel om elke Woensdag 'n party te reel. Ek het gereken volgende week sal dit 'n "Hillbilly" Party wees.

Ek sal vandag op die net surf vir lekker Redneck Fiddle musiek, dank al klaar aan 'Hilbilly rock Hilbilly roll"

As iemand hier aan nog ander lekker lewendig Hilbilly fiddle musiek kan dink laat weet my asb!