Tuine

Freda, maak n gat in bodem van verfblik. Plak n stuk sterk pastiek oor die gat en sny n kruis in. Hang die verfblik op, die gat is mos nou onder en druk jy die plantjie se wortels van buite af deur die plastiek. Maak dan die pot van bo af vol met potgrond, en siedaar, die plant hang takke ondertoe en wortels in die blik.  Sodra dit groei, draai die takke hulself regop,, en dit lyk soos op die foto. 

Weet nie hoe gedra die wortels hulself daar in die pot nie, maar plant lyk heel gelukkig. 

My buurman plant sy tamaties so in hangende potte en die goed groei mooi.  Dit is nou regte egte tamaties en die tipe wat Arie plant nie 

Baie dankie vir die draad, Freda. Jy het 'n pragtig tuin, lyk soos 'n vakansie oord.

Ek sal maar liewer nie fotos van my tuin hier opsit nie. Dit is nog baie deurmekaar. Almal wat hier post se tuine lyk baie mooi, well done julle!

Ek het 'n klompie maande gelede het ek vertel van 5 bougainvillaes wat ek in potte geplant het.  Toe het ek gekla dat die blare van twee van die plante aanmekaar omkrul.  Die omkrul-blare het een na die ander afgeval en nuwe blare het te voorskyn gekom.

Wat my nou interesseer, is dat een van die plante het pragtige bruin/oranjerige blomme gehad toe ek dit gekoop het, maar die blommekleur het met verloop van tyd na pienk verander, totdat al die blomme pienk was.  Hierdie pienk blomme word nou egter weer met die oorspronklike bruin/oranjerige blomme vervang.  Op die foto hierbo is nog 'n paar van die ou pienk blomme tesame met die nuwe bruin/oranjerige blomme !

Volgens plantkundiges kan jy nie die kleur blomme van bougainvilleas verander deur die Ph van die grond te verander nie, maar hier het iets gebeur wat ek nie kan verklaar nie. (In my pogings om die omkrul-blare stop te sit, het ek wel 'n bietjie lanboukalk ingewerk wat eintlik nie die krul-blare verhoed het nie).

Interessant nê ?

.... kom die verskillende kleure blomme op dieselfde tak of loot voor? Ek het al BV's gesien wat pienk en spierwit blomme aan dieselfde plant dra. 

.......ek het gou weer gaan kyk.  Die ou pienk blommetjies kom voor saam met die nuwe bruin/oranje blommetjies op dieselfde takkie en selfs op dieselfde sy-loot.

Dis baie mooi geniet my tuin net soveel is net rugby, visvang en kamp in die bos wat my uit die tuin kry. Hier is so paar van my blommetjies.

........

Nou wat moet ek wys ?

Willem, ek moet ook maar my vingers verf as ek hulle groen wil hê.

Ons is nou so 6 maande in ons huis maar na 9 jaar se huurders was die grond morsdood. Begin nou eers dit so kry dat iets wil vat/ blom.

So 'n stukkie agtertuin

Stephan, lyk sommer lekker groot.  Met die water skaarste gooi ek nie meer die gras en als nat nie so die gras kyk nou maar swak hier en die miere wil die res opvreet.

... ek het vandag toevallig by só 'n tweekleur BV verby gery en besluit om 'n foto te neem. Gewoonlik is dit 'n mutasie vanuit een ogie.

................Chris, lekker om te weet ander ouens kyk ook na Bougainvillaes. Selfs al is dit nie inheems nie, is dit interessant hoe geweldig baie daar dwarsdeur die land te siene is  -  en hulle blom altyd en is redelik droogte bestand.  Hulle blommetjies mors maar redelik, maar ek het myne op die sypaadjie geplant en die suidoos "vee" dit vir my straat-af !

Die wit Bougainvillae is baie skaars en ek het eergister een by 'n kwekery, die laaste een raakgeloop en gekoop.

...............reg Freda  -  in al die leesstof wat ek kon opspoor sê hulle wees versigtig vir "over watering", maar daar word ook gewaarsku dat die plante nie moet stres van te min water nie.  Ek het egter agtergekom dat BV's in potte moet beslis meer water gegee word vanweë die beperking wat jy uitwys.  Een ding is seker, hulle voete mag nie in water staan nie en daarom moet dreinering van potte nooit verstop wees nie.  Ek het onder in my potte 'n rooster met nog klippe bo-op en dan eers "potting soil" waarbinne hulle geplant is.  As ek water gee, maak ek seker dat die water naderhand onder uitloop sodat ek weet die dreinering is nie geblokkeer nie.

Ek het ook agtergekom dat BV's in potte in die somer makliker stres omdat die potte te warm bak vir die wortels daarbinne teenoor BV's geplant in grond waar hulle wortels nie aan hierdie hitte blootgestel is nie. BV's in potte moet dus beslis meer water in die somer kry om die wortels in die potte af te koel.

Dit bly vir my 'n fantastiese plant en oral op paaie hier in die Boland sien jy boere se grensheinings is met BV's beplant, byvoorbeeld tussen Worcester en Robertson.

Hulle is oortrek van die pragtigste blomme en lyk absoluut gesond.   Niemand gee hulle water nie, 

Ja, dit is 'n redelik algemeen-bekende feit t.o.v. BV's. Soos tereg deur Len genoem, dat BV's in potte uiteraard 'n ander geval is, blom BVs baie mooier as dit in oop grond 'n mate van water-stres beleef.

My skoonsus het aan die begin van die jaar by ons gekuier vir ‘n week. Sy het tuinboukunde geswot, en het my bietjie raad gegee vir ons tuin. Een daarvan, is om growwe sout op onkruid te gooi wat tussen die plaveisel groei.
 

Nadat ons lank weg was Desember was daar ‘n hele paar bossies tussen een deel van ons plaveisel wat redelik klam bly, en sy het growwe sout op hulle gestrooi. Chris Jnr en Kara het baie daarvan weer versamel terwyl hulle buite gespeel het, maar dit was grotendeels effektief soos die foto toon. Dis ‘n goedkoop, omgewingsvriendelike alternatief tot gif (jammer Mnr Boucher).