Die wel en wee....

Nouja, kyk die permanent kamp het ook maar sy dinge en draaie.

Gisteroggend toe Petra uit die kooi opstaan kan sy glad nie regop kom nie! Sy loop so skuifel skuifel met haar neus amper op haar naeltjie. Ek [in my wysheid] besluit toe sy het haar rug uitgesit.

So kry ek vir Antie Google op die lug en begin soek vir Chiropracters of dalk 'n Fisio. Kry toe net 'n Fisio hier in Bela Bela, maar haar nommer gaan direk oor op die antwoord masjien, paarkeer probeer maar niks. Tussen alles deur moet ek vir Petra help om uit die wa te kom, te sit, ek moet koffie maak, ens, my amper vrek gewerk so vroeg in die oggend!!

Nou moet 'n man plan maak, Petra sit traantjies rol oor haar wange, ek sien sommer die is nie aansit nie, sy het wragtag pyn? Staatshospitaal is uit, ek kry toe Katoelieke hospitaal op Google.  right, sit die kaart op my foon. Bring vir Petra skotteltjie water op haar skoot, so was sy darem haar gesig en borsel tanne. Nou moet ek altdie nodige bring sodat sy haar gesig kan inkleur. Die aantrek sal ek maar nie hier verduidelik nie. Nou moet ons haar in die trok kry, later die karavaan bankie daar en op 'n manier boender ek haar toe in die trok.

Maar toe ons daar kom is dit ok nou verkoop aan 'n BEE spul Dr's Nouja gaan toe maar in by noodgevalle, mense julle kan nie glo die diens nie, verduidelik vir ontvangs, dadelik stuur hulle 'n rolstoel na die Pajero om haar uit te laai. Daar is geen Dr's op diens oor naweke nie maar hulle bel toe dadelik 'n Dr. die man daag op, 'n Nigerier nogals, dadelik verwag ek toe hy gaan my kinders ontvoer en ons op drugs sit, en met een of ander skema my uit my laaste bietjie geld verneuk, maar....niks. Baie profesioneel, verduidelik heeltyd vir Petra wat hy gaan doen en hoekom, stuur haar toe vir X strale, en kom sit by my en verduidelik presies hoe ver die ondersoek is wat hy nog gaan doen ens.

Petra vertel my later dat hy direk vir haar vertel hy sien sy sukkel erg met osteo rumatiek, vra sy hoe weet hy, sien dit aan haar voete, die tone wat alle rigtings loer, knoppe op die voete. Sy is impressed dat hy dit direk raaksien!

Lang storie kort ons was daar tot na 4nm van die oggend so 10vm, Petra was op drips, spierverslappers, en ander goete, tot morfien vir die pyn!

Dr vertel toe dat sy haarself moet rustig hou en baie versigtig wees, ek vra hom toe of sy darem einde van die maand die kamp sal kan opslaan, hy reken nee dit sal te swaar wees. Vra hom toe of sy darem nog een keer per week my golfsak kan dra as ek gaan speel - nee ook nie, nie eers as ek net 9 putjies speel nie!!!

Ai mense ek sien 'n swaar tyd vir my voor, maar op 'n manier sal ek seker oorleef. Ek het al vamore bed opgemaak, moes kort vir haar vra hoe doen mens dit of dat, het al gevee en selfs al twee koppies koffie vir ons gemaak!!