Manyane Pilansberg

Môre vriende

Ek het per ongeluk die woord "more" verkeerd gebruik in my teks gister. Vandag by die huis, grassny, proviand aanskaf en pak. 

More vroeg sleep ons die 100km tot by Manyane, dan die soektog vir 'n skadu staanplek. My kompleksie bots baie met Bosveld klimaat in die winter. Hopenlik is 'n brandslang naby

Sal beterhelfte se arm draai om vandaar as sein toelaat fotos te laai.

Wessel

Naand vriende

Heerlike naweek gehad in Manyane, van laas Donderdag tot vandag. Hele pad gebid vir koelte staanplek, en weliswaar dit gekry. Hele Kavango en tent die hele dag in koelte. Dis 'n bonus en noodsaaklik die tyd van die jaar in Bosveld.

Aangeheg 'n paar fotos, sommer omm te wys hoe lyk Manyane kamp, en dan fotos van diere binne wildtuin. Onthou mens kan Manyane toe gaan, sonder om ooit in wildtuin in te gaan. 

Manyane is effe aan ouerige kant, dit kan jy sien aan die gebrek aan grasstaanplekke, en die bome. Ek dink die wildtuin[Pilansberg] is iets besonders. Die teer en grondpaaie is heel begaanbaar vir enige voertuig. Tans was van die paaie toegemaak, weens verspoelings, maar die stootskraper werk onverpoos om dit reg te kry vir skoolvakansie.

Ons het baie wild gesien, veral renosters. Net vir Luiperd nie gekry nie. Soos julle kan sien is die veld baie ruig, nat en groen.

As julle nog fotos wil sien, sal ek my beterhelfte vra om nog voor te berei.

Ek kan Pilansberg aanbeveel, dit is naby en bekostigbaar. Van my huis tot op staanplek, slegs 102km. Die pad soheentoe is in goeie toestand, mens moet maar net versigtig wees vir losloop diere deur die ou Boputhaswana area, maar dis veilig. Dieselfde pad  wat Pretoris mense Sin city toe ry.

Groete

Wessel  

Môre vriende en Voortrekker

Voortrekker: Nee, daar is nie 'n brandgevaar in die kamp nie.  Plek is netjies en goed versorg.

Baie lekker gekamp, behalwe vir papwiel in die kamp self. Met groot moeite wiele geruil, Vrydagoggend eers uit Mokwase bande plek toe. Kon geen lek kry nie, en het maar eers agter op bakkie gehou want dit is te goed om waar te wees. Hoe kan band van 2.5bar afblaas tot 1.5 bar, sonder 'n lek.  Ek vermoed  'n stout seuntjie [of sy pa] het my wiel afgeblaas omdat ek geraas het met hom omdat hy by my wa lawaai het, toe ek middagslapie wou maak. 

Groete

Wessel

Hello Sarel

Die huiwerig kom van;

my trokkie is net 'n 2.7 petrol, en dit is nie 'n 4x4 nie

bloot omdat dit onbekende terrein is. 

dalk die grys/bles haredos

Ek is egter seker dat my kombinasie dit sal maak tot by Twee Rivieren. Ek het so stilletjies besluit om te probeer bespreek vir volgende jaar in koue maande.

Ek moet nog die kombinasie toets op meer uitdagende  [bulte/passe] paaie. Platpad sleep die Hilux die Kavango baie gemaklik, ek gebruik egter 4de rat sommer baie gou, as ek opdraende sien aankom. Ek glo daaraan dat  die 5de rat nie hard moet werk nie.

Of daar waarheid insteek weet ek nie, maar ek het ook nooit met my vorige Isuzu en Palma ratkas probleme gehad nie.

Groete

Wessel

Môre Len

Ja ek bly in Brits vanaf 1989, eers op Skelmbosch studeer, en toe 2 jaar in Durbanville gebly. Grootgeword op Bonnievale.

Ek ry seker die langer pad Manyane toe, want daar is paaie van twyfelagtige toestand Beestekraal om. Jou vriende sal beter instaat wees om daardie opsies te beskryf. Dus;

1]ek ry uit Brits uit om op die N4 na Rustenburg te ry.

2]dan draai ek af op die R556 by Bapong en bly op dit, deur Tsitsing

3] dan draai ek regs op die R510 wat via Northam na Thabazimbi toe gaan

4] So ongeveer 40km later draai ek links af na Mokwase,

5] dan volg mens net die borde om of eerstens die indraai na Manyane kamp te kry, of om heelwat verder die links afdraai vir Bagatla kamp te kry.

As ek reg onthou, word mens nie toegelaat om jou woonwa deur die wildtuin te sleep nie. Ek kamp verkieslik[meestal] in Manyane, en het nog net 2 keer in Bagatls gekamp.

Ek verneem dat Manyane by vêrre elkgeval die beter van die twee is. 

Sekere dele in die park toon steeds die vae voorkoms van landerye, en die inligtingsbrosjure beskryf /toon dit aan. Die voordeel van Manyane/Pilansberg is dat mens letterlik teerpad sleep tot op jou staanplek. Dan gaan mens deur die wildtuinhek, ekstra fooi, om wildritte te doen. die nadeel is egter dat mens nie werklik die wildgeluide hoor nie. Inteendeel, veral op 'n Saterdagaand hoor mens heelnag die Mogwase geluide, nogal steurend.

Ongelukkig is my roete vanaf die Kaap [N1], om met die R512 deur Lanseria na Brits te ry, waar die genoemde ongeluk die naweek gebeur het. Ek ry meestal met Gordon roete vanaf N1 buite om Krugersdorp en klim daar op die Krugersdorp-Pretoria snelweg. Dan klim ek weer af op die M5 Muldersdrift pad, om later by R512 aante sluit. Daarmee ry jy enige kant om die Hartbeespoortdam tot in Brits.  

Groete

Wessel