Syne in sy Excusive is ook…
Syne in sy Excusive is ook so, 3 split.
En baie kompak, dit vat omtrend geen spasie in die neuskas nie. Ek was baie beindruk met sy stelsel.
Gelukkig het jy nie planne…
Gelukkig het jy nie planne om binnekort te sleep sover ek onthou nie so jy kan bekostig om geduldig te wees. En as alles klaar is gaan jy darem lekker kampeer!
Ek kan nie nou lank gesels nie, moet nog ‘n paar dinge regtrek sodat ons môre vroeg genoeg kan wegkom.
Daai eenheid klink soos…
Daai eenheid klink soos die wat Johan van Caravan Cooling doen
Wat sal so eenheid min of meer kos?
More Chris, volgens Johan…
More Chris, volgens Johan wat die werk doen, is 'n Exclusive R15 000.00, en ander waens R14 000.00. Dit sluit lugreeling en instalasie in.
Nouja, .....................
Nouja julle ouens met die grênd nuwer waens, sonpanele, inverters en wat nog, ek hoop julle kamp netso lekker en probleemvry sonder 220V soos ek (by onder andere Balule en Tsendze in die Kruger Wildtuin) met my stokou Exclusive. Ek het ligte wat brand, waterkraan wat werk, 'n yskas en vrieskas wat alles lekker koud hou en 'n gasstoof om koffiewater te kook.
Maar ek gee ook darem iets prys, my mikrogolf en lugversorger werk ongelukkig nie sonder elektrisiteit nie, maar daarsonder leef ek maklik.
Ek dog ek sê maar net.
Boskamp luukses
Môre Len
Jy is weer besig om vriendskappe te vertroebel.
Ek sou eintlik nog steeds met my Palma wou kamp, maar moes daarvan ontslae raak. Ek het heerlik in Balule gekamp, met die yskas/vrieskas wat met gas kon werk, en sy normale TV-battery in die neus. Hopenlik kan ek nou die foto aangeheg kry.
Die boswa het op my pad gekom, met die luukses, dus kan ek nou, NIE soos Arie daarvan hou, sonder sukkel my vakansies geniet
Die inverter is om die beterhelfte gelukkig te hou, want ten minste kan dit 'n haardroër aandryf.
Waarom hoor ons niks van die Montagu-kamp nie, was die KWV nader aan 'n papsak???
Groete
ander waens R14 000.00. …
ander waens R14 000.00.
Dan gaan ons nie lugversorging kry nie 
Waarom hoor ons niks van die…
Waarom hoor ons niks van die Montagu-kamp nie
Ook gewonder
Warm stort....
Warm stort : Willem, ek weet jy stel vir my 'n slagyster om in te trap, maar ek gaan nie. Daar is lieflike storte in die ablusie by Tsendze en Balule met lekker warm water.
Haardroër afwesigheid : Gelukkig het my Pathfinder 'n sondak - Mammie steek net haar kop daaruit en dan gaan ons vir 'n "game drive". Binne 'n ommesientjie is daardie hare droog en daar word nie weer van 'n gebrek aan haardroër-fasiliteite gepraat nie.
Die Kavango met luukses : Is dit nou die "luukses" wat Pieter Barnard moet oor doen om dit alles aan die werk te kry ?
Montagu-kamp : Die onderwerp van die draad is Kavano raad, nie waar nie ?
Kavango luukses
Dag Len
Nou is jy op dun ys, gehoor
Jy is heeltemal reg, beheerpaneel moet oorgebou word, sodat dit in veiligheid die luukses kan bedryf. Eintlik gaan dit bloot om net die laaistrome/spannings tussen 220v/ sonpanele/batterye ordentlik te doen.
Dis die seer van 2de hands koop, en waar daar getorring is aan stelsels, sonder grondige kennis. Ek is steeds van mening dat as my wa se stelsel "stock standard" was, ek nie probleme sou hê nie.
Groet
Ek het vandag my Kavango se…
Ek het vandag my Kavango se stort op die proef gestel en is baie tevrede. Die druk is goed, die water lekker warm en selfs my 1,98m lyf pas gemaklik daarin - met die seil dakkie op. Ek kan nie wag om dit iewers in die bos te gebruik sonder die seil dakkie nie. My beste stort is in die buitelug in die bos.
Gister oppad hierheen dink ek toe aan iets. Die Kavango het ‘n 30l geyser wat seker met ‘n soort ball valve vol bly. Indien jy dit nie laat leegloop het by die vorige kamp nie, het die Kavango dus 150l water aan boord as die tenk vol is. Stem jy saam Wessel?
Môre Chris, ek kan jou nie…
Môre Chris, ek kan jou nie antwoord nie, behalwe om te sê, as jou tenk 120L, en die gieser nog 30L hou, is dit 'n volle 150Kg wat jy ekstra gewig sleep, (indien jy die tenk vol het) nogal baie.
Maar, as jy in die bos gaan kamp, kan daai water handig te pas kom.
Kavango gieser
Môre Chris
Ek is nie seker van die 30l nie. Dalk het my 2016 model 'n ander tipe gieser in. Ek vermoed myne is 'n stadige deurvloei verhittings tipe.
Ek sleep meestal my 120liter[kg] water van die huis af saam. Dit verminder so bietjie die neusgewig.
Ek is bly al jou stelsels werk effektief en korrek. Soms dink ek die eersre modelle het beter tegnologie in.
Ek neem vanmiddag my wa na PBE vir die heelmaak.
Groete
Myne het volgens die…
Myne het volgens die handleiding ‘n 30l geyser en hy raak redelik vinnig met elektrisiteit vuurwarm en bly dan so. Met gas vat hy so halfuur om warm te raak en 2 keer se warm maak van yskoud af en ‘n naweek se gasstoof het 500g gas gebruik. Ek het al gelees ouens sê mens moenie die geyser laat leegloop nie want hy sukkel om te prime. Ek aanvaar dus hy bly vol en die tenk het nog 120l. Ek het hierdie keer nie tuis volgemaak nie maar ander gewig op die as gesit en ook gewig uit die neuskas gehaal om neusgewig af te bring en het lekker gesleep.
Sover werk alles goed en is ons baie tevrede. Ek hoop joune is ook 100% na jy dit terugkry. Ek weet hoe krap dit as iets nie na behore werk nie.
Kavango elektriese stelsel
Middag vriende
Wil net meld dat my wa veilig terug is op sy plek. Ook net betyds voor die groot reën wat vanaf more verwag word. Ek het die wa by Pieter Barnard Enterprises gehad, waar hy persoonlik die volgende gedoen het;
12 volt laaistelsel herontwerp en nuwe gebou
220volt bedrading deur die hele wa vervang met korrekte dikte drade, vir swaarder stroom.
alle 12volt bedrading wat yskas, ligte, waterpomp, geizer, toilet, sonpanele en elektriese neuswiel bedien, vervang met groter stroom gradering.
"inverter ingebou om lae drywing goetjies te gebruik.
opgradering van sonpanele na 260watt uitset.
herstel van waterpomp, met byvoeg van beskerming teen af/aanskakel pulse
Ek kan noem dat die werk getuig van kwaliteit en proffessionele afronding. Ek het uiteraard nog nie gekamp met die verbeterde stelsels nie, maar het beslis baie meer gemoedsrus nou in die elektriese werke/bedrading van my wa.
Ek sal later probeer om fotos van die beheerstelsel te laai.
Groete
Wessel, Pieter is wel duur,…
Wessel, Pieter is wel duur, maar hy lewer hoogstaande kwaliteit werk, en gebruik net die beste materiale.
Ek glo jou wa is nou 100%👍
Kavango geduld
Middag Chris
Nog nie, maar PBE is besig om stelsel te voltooi, hulle is net baie besig. Ek probeer geduldig wees, want hulle het groot kontrakte en tussenin help hulle seker maar individue.
Ek sal as my wa oop is kyk wat se info ek kan kry. Ek het dit erens gebêre. Ek het 2 eenhede buite, die ene sit in die neuskas by die gasbottel, en die ander met die waaiers, sit onder sy pens, ongeveer regoor die linkerkant se instapdeur.
Ek gaan sommer sonpanele laat byvoeg sodat ek ongeveer 260watt het, dan ook 'n inverter laat insit.
Lekker kamp op Jongensfontein.