Totsiens Willem - jy was 'n kampforum hoeksteen

Liewe ouers Anton, dit is nou 'n gatslag, wat het gebeur?

Sterkte aan die geliefdes, ons bid vir julle.

Aan die familie

Ons vertrou dat julle vertroosting sal ontvang in hierdie donker oomblik.

Sterkte aan die gesin en familie van ons vriend---WILLEM

Ai, dis vreeslike onaangename nuus. Sterkte aan Surette en Wijan en ook res van familie

Baie hartseer nuus.  Sterkte vir die Surette, Wijan en familie. RIV Oom Wilsur

Baie slegte nuus.

Sterkte aan sy familie. Gaan sy kennis wat hy met liefde hier gedeel het mis.

Dis baie hartseer 

Sterkte aan die familie. Ons het lang pad saamgeloop met die drukwerk/ kamplaatjies wat ons vir hom gemaak het. Mag die familie vertroosting en krag ontvang in hierdie tyd. Wees gegroet.

Ai, Willem was sonder twyfel een van die staatmaker-forumlede. Ek gaan hom mis.

Sterkte aan die familie in die tyd van rou. 

Dit is nou slegte nuus. 

Jy was 'n groot yster.

R.I.V. Jy was 'n altyd so gewillig om te help. Ons gaan jou baie mis. 

Ai tog, dit is skokkende nuus om van Willem se skielike afsterwe te hoor.  Ons ken mekaar al vir baie lank, vanaf die WegSleep-forumdae. 'n Pragtige kenmerk van Willem was om in alle opsigte behulpsasam te wees.  Willem sit in Pretoria, ek  in Kaapstad en spook om "mag" wiele vir my Exclusive teen 'n billike prys te kry.  Willem kry 'n splinternuwe stel vir my en koop dit sommer ook waarna ons dit met behulp van nog vriende by my in die Kaap kry.  By 'n volgende geleentheid noem ek vir hom ek wil graag 'n "dash cam" aanskaf, maar weet nie waar om te begin nie.  Die volgende laat weet hy my hy het twee bestel wat ek by hom kan kom kry oppad Wildtuin toe.  By nog 'n geleentheid vra ek hom uit oor sy tent-afdakkie voor by die Exclusive se A-raam om koelte oor die voorste slaapkamer-venster te voorsien.  Die volgende dag e-pos hy vir my 'n presiese diagram met mates wat ek netso vir 'n tentmaker gee om vir my te maak.  Dit pas toe 100%, netsoos wat ek dit wou gehad het.

Willem se afsterwe is vir ons kampvriende 'n groot verlies en ek gaan sy deelname aan die forum en sy persoonlike gesprekke met my baie mis.

Ek was nie so gelukkig om hom persoonlik te ken nie, maar het nou weer hier gaan lees wie was Willem. Kyk op bl 2 van die gesprekslyn. 
 

Hy het vir my oorgekom as ‘n opregte persoon, en ‘n ware heer wat graag sy medemens gehelp het. Dit was ‘n voorreg om hom hier te leer ken. Sy teenwoordigheid gaan baie gemis word. 

RIV Willem ons gaan jou mis. Ons hou Surette en familie in ons gebede

RIV Willem. Baie sterkte aan Surette en Wijan. Julle gaan hierdie staatmaker van 'n man en Pa baie mis. Baie sterkte ook aan Willem se ander kinders en kleinkinders. Julle is almal in my gebede.

Dit is nou baie slegte nuus, het amper van my stoel geval. Willem was vir my 'n onselvsugtige mens met hulp bystand en advies.

Toe ek my exclusive gekoop het het my gehelp, sonder om my van erens te ken en sonder huiwer.

Gaan sy stories advies en insette mis. Sterkte aan sy famielie in die tyd.

'n Regte pêl sonder dat ons ooit ontmoet het. Ons gaan hom beslis mis. Sterkte vir die familie.

Mag jy in vrede rus, Willem. 

Rus sag ou grote... 

Móre gaan soek ek n branna en n kan coke en skink een vir jou ook.

Hy sou dit saam jou geniet het. Cheers