Strydoms oppad Namakwaland toe- 2023

Die eienaar, John van Zyl het 'n tyd gelede vir my gesê hulle besef die ablusie is baie klein, maar hulle het probleme met munisipale goedkeuring om 'n karavaanpark op die kleinhoewe te bedryf en hy is dus versigtig om nog kapitaal uit te lê.  Ek weet nie of dié rede nog geld nie.

Ek het toe ek my huidige stoeptent gekoop het vir myne laat slopies insit. Watter verbetering!! 

Ek herken daardie staanplek. Dis aan die huisies se kant van die ablusie. Die eerste twee of drie staanplekke aan die regterkant na mens deur die hek is, is die beste bestand teen wind na my mening. Ek weet nou nie of een van hulle oop was toe julle daar was nie. Ons het al op die eerste en tweede een gestaan. Die eerste is bietjie sanderig. Die tweede een was lekker. Geniet van Zylsrus. Dit lyk baie netjies. 

Ek gebruik ook presies daai penne,MAAR luigat het dit nie by Jongensfontein gebruik nie

Ek glo, nes jy nie weer ‘n Maxcon tipe pen sonder ‘n swembad noodle om sal gebruik nie, sal jy ook nie weer vergeet om die ringpenne te gebruik nie. Ek gebruik net drie vir die drie regop pale aan die buitekant van die afdak. Ek slaan dit gewoonlik heel laaste in, lig die paal op en sit dit daarin, en trek dan die toue styf - maar nie te styf nie. Met die Maxcon tipe pen moet die spiraalveer gedeelte van die pen nie platgedruk met die spirale teen mekaar wees nie. Anders verloor die pen sy veerkragtigheid wat voorkom dat jou tent skeur waar die tou vas is as die wind erg waai. Met die ringpen kan die paal maar bietjie oplig. Dit sal net weer terugsak op dieselfde plek en nie omval nie. 

Geniet die Kaapse kuier Wessel. Jy was by plekke waar ek nog nooit was nie - soos Fairview, Spice Route en Skilpadsvlei.

My ervaring is dat jy besoek toeriste-aantreklikhede ver van jou huis af, maar dié naby aan jou gee jy 'n "skip". So by so het die V&A Waterfront al donkiejare bestaan voordat ek die eerste keer daar gekom het. Ek was al 'n volwassene voordat ek die eerste keer op Tafelberg gekom het. En beide moes ek noodgedwonge later tot vervelens besoek danksy oorsese kollegas wat ek moes vergesel. So was ek ook nog net een keer in Kirstenbosch omdat twee oorsese kollegas dit wou besoek.

maar dié naby aan jou gee jy 'n "skip"

Wat van toe julle in Tzaneen gebly het? Julle het seker nie toe die Kruger wildtuin oorgeslaan nie  

Die wildtuin is egter nie vir my 'n toeriste-aantreklikheid nie, maar 'n verpligte plek om na toe te gaan as jy naby daaraan bly. Amper soos die strand by Kleinmond. As ek nie gereeld daar gaan stap nie voel dit asof iets "missing" is in my lewe.

Jammer Wessel vir die besoedeling maar ek wil die volgende deel. Toe ek finaal verneem dat ons Tzaneen toe gaan verhuis (van Oudtshoorn af) was ek kinderlik opgewonde om só na-aan die wildtuin te gaan woon - waar ons minstens een keer per maand was. En ek het uitgesien om vrugte soos avo's, mango's en lietjies op my voorstoep te hê. Maar ons was nie lank daar nie, toe wens ek dat ons vir 'n naweek kan see toe gaan. En ek verlang na die Kaapse vrugte soos geelperskes, druiwe ens.

... kalm word. Jy's nou in DA-land en dit hoe ons dit doen. Die woord "rustig" beskryf ons baie lig.

Wessel. Jy kan mos nie by Fairview opdaag met n khaki broek en laphoedjie nie.... Raak rustig, ky donner jou vakansie op.

Dis mos hoekom die Seinheuwel kanon 12:00 afgaan; sodat die Kapenaars kan wakker word om verder te drink. 

Dit is moeilik om by die bestuurspas aan te pas as mens van daar bo af kom. Maar as mens in Rome is…

Almal is darem nie so onbeskof nie. En die wyn is nie orals so duur nie. Kom volgende keer na die kant van die tonnel toe. Kapenaars dink gewoonlik die prys per bottel hier is vir net ‘n glas wyn. En die mense is baie vriendeliker. En almal Afrikaans. 

Kom volgende keer na die kant van die tonnel toe. Kapenaars dink gewoonlik die prys per bottel hier is vir net ‘n glas wyn. En die mense is baie vriendeliker. En almal Afrikaans. 

Dit kan ek beaam. Daar is soveel goeie kelders aan die kant by die Smalle. 

Ek koop my wyn ook net daar rondom Chris WH se tuisdorp rond. Lekker oppie tong en die sak.

Klink my ou Wessel is heeltemal gatvol vir die Weskaap. Sê nie n woord nie, nie eers vars klagtes nie. Kan net hoop dat die blommetjies hom bietjie vroliker maak.

Hier by ons waai die komende koue front se wind al woester buite. Dit het seker gister al daar by hom begin. Ek hoop hy het die keer onthou om die pale in ringpenne te sit. 

..................van die tonnel is daar nog geen wind nie, net 'n effense misreëntjie om Wessel se seile lekker nat te maak terwyl hy vandag moet oppak om môre Weskus toe te vertrek.  Sou Wessel nou 'n konvensionele karavaan gehad het, sou die Suid-Kaap se windjie en die mis reëntjie hier in Kaapstad niks gepla het nie.  Maar nouja as bejaarde mense hulleself wil jonk hou, dan................