Daar is twee!

Gister was Jonika lekker deurmekaar en in baie pyn.    Sy het my vanoggend 6am wakker gebel nadat ek vas geslaap het vir 9 ure!   Sy is op en wakker en was vanoggend 3 am by babatjies om vir hulle elkeen 'n paar druppels melkies te gee.  6 am het sy weer 'n paar ml's uitgepomp en weer oppad neonataal toe om weer vir hulle te gaan voed.  So ons is bly dat Jonika weer op die been is.

Met babas gaan dit ook goed.  Anja, die kleintjie wat op 1.1kg gebore was, was gister van die cpap masjien afgehaal en het nou slegs 'n suurstof lyntjie by haar neusie.  Anja, 1.5kg het nog die cpap en ons glo sy sal ook binnkort ge-upgrade word na slegs 'n suurstog lyntjie.

Hulle word behandel vir infeksies , geelsig asook voedingslyntjies tot in hulle magies om te help om dit skoon te maak en reg te kry vir mamma se kos en goeie metabolisme.  Verder is daar geen issues nie.

HULLE IS PIEPKLEIN!

Neef Herman die storie met die medies is heel eenvoudig, want dit is mediese versekering en hulle dek net sekere bedrae volgens die kontrak.    Omdat die versekering glad nie die miljoene sal dek vir weke of maande se ICU nie (hulle dek slegs eerste paar dae)  beveel hulle aan dat premature bevallings na staatshospitale verwys word asgevolg van die hoë kostes waarmee die ouers belas kan word.     Daarom dek hulle glad nie bevallings voor 35 weke nie.   Hierdie terme staan duidelik op die kontrak, maar ons het nie belang gestel aan die maternity voordele nie want die dekking was voldiende vir dag tot dag en noodgevalle.   Jovan se een dag arm breek prosedure en hospitaal kostes wat so R85 000 was in Desember 2021 was 100% betaal binne 'n uur - so hulle doen wat hulle belowe, solank dit volgens die kontrak is.   Ek hoop dit verduidelik die mediese versekering geval.

Ek begin nou rondshop vir kampeer toerusting vir die Baie klein poppies.   Hierdie sal dalk werk?

Boeties is by hulle oom en tannie op Zaagkuilsdrift, maar hulle sal nog nie  babatjies kan sien nie.  Ouma was gister toegaal om te gaan kyk, maar sy moet haar hande agter haar rug en nie vat nie.  Ek mag aan hulle handjies en voetjies vat.

Goeiemôre.   Ek sit vanoggend half gebroke en met 'n swaar gemoed.    Dinge wou nie regkom met Jonika nie en na 3 dae van erg pyn het sy Vrydag vir 'n CT scan gegaan.  Dit het gewys dat daar lug en vog in haar buik is.   Sy was toe behandel vir moontlike kolon ontsteking.    Die pyn het egter vererger en gisteraand moes sy ingaan vir 'n 2de nood scan en daarna was sy onmiddelik opgeneem vir 'n buik operasie.  Die bevinding was dat haar kolon op 'n paar plekke gebars het.  Sy het so teen 1am uit teater gekom en lê tans in ICU om te herstel van die operasie.