Nuwe karavaan in ons toekoms...

Gryswater is mos nie 'n probleem nie oom Neef? Laat dit net uitloop op die ou langsaan se staanplek?  Jy herinner my nou mos...moet op my lysie byvoeg dat ek 'n klomp swembad pype moet bykoop wat darem sowat 6m weerskante van 'n staanplek kan bykom! Ontwerp uitgesorteer...

Vergeet om by te voeg dat die Rooikat net so oor die 3m breed is. 

Om terug te keer na die onderwerp van 'n nuwe karavaan....

Hoor jou Rona! Maar alles in die lewe is mos maar 'n kompromis! As ek vir RV gaan eindig ek steeds op met iets om te sleep, iets soos 'n Jimny om darem mobiel te wees terwyl mens kamp, andersins alles opslaan, winkels toe ry met 'n bus, en later weer opslaan?

Beskikbaar op my kortlys is tans eintlik maar min te kies. slegs een Sensation Deevee, drie Quantum Connect's, al die Connect's moet 'n tent bykry en almal is sonder movers, maw tel nog iets soos R7o+k by die prys. Meeste beskikbaar is Classique's, 'n hele 10 word tans ge-adverteer. Sal die naweek bietjie rondry en gaan kyk...gelukkig is ons nie haastig nie. En as 'n wa nie met ons "praat" nie kyk ons maar verder...

Jy is reg Geert, ek was onder die indruk Quantum se waens het nie hout innie panele nie. met agente gepraat vanoggend en almal reken dis "net die matriks aan die binnekant waaraan die meubels vas is..." wat dit ook al beteken.

Gelukkig is "party" omies oppie forum nie "besluitnemers" wat ons nuw wa aanbetref nie! Dan het ek sekerlik opgeeindig met iets wat soos 'n baster tussen 'n Kavango en 'n Exlusive lyk, Kavango met twee asse? 

Vandag my spreivel op 'n toetsrit na 'n verskeidenheid Pretoria en omstreke se handelaars geneem om eerstehands te kyk hoe lyk die 2de handse waens wat hulle adverteer. Heelwat Classique modelle gesien waarvan meeste maar redelik verweer voorgekom het met o.a. sonskade, ene met 'n stinkende yskas, ander ene waarvan die yskas se onderste deel redelik roes wys, sleephake wat erg geroes is, foutiewe kas skarniere, en natuurlik heelwat met matrasse waarop ek nie eers 'n rondloper hond sal laat slaap nie. Van die probleme is maklik om reg te stel, ander minder so, soos vervanging van yskaste of matras, beide duur items. In Pta area geen Quantum Connect gesien nie, asook geen Okto nie...daarvoor sou ek Randburg of Germiston toe moes ry. In die opstel van my spreivel het ek wel landwyd advertensies deurgewerk om minstens 'n idee te vorm wat beskikbaar is. Ons het gelukkig wel twee Clasiques asook een Sensation gesien wat almal in 'n puik toestand is,  met net 'n paar kleiner dingetjies wat aandag verg, maar geen "deal breakers" nie. Ons het op die ou einde besluit dat tentatief ons vir die Sensation sal gaan, Die kort aandag aan 'n paar deurknippe en skarniere, asook nuwe bande. Die wa kom met lugreëling asook Ewiks movers, radio, awning en 'n volledige tent. Vanmiddag was dit 'n gemeet by ons huis om te kyk of die wa wel sal pas. Lengte is sowat 7160 mm teenoor die Fleetline se 5988 en breedte 2480 mm teenoor die Fleetline se 2350 mm. Hoogte is nie 'n probleem nie aangesien ons afdak 3000 mm hoog is. My hek breedte is skraps maar die wa behoort net-net deur te gaan, gelukkig sal die movers dit makliker maak. Volgende week sal ons die wa in detail deurgaan voor ons die koop finaliseer. Wat die Fleetline aanbetref is 1995 modelle nie juis gewild as inruil middel nie, maak nie saak nie, ek sal 'n paar dinge oppie Fleetline  uitsorteer en die dan uit die hand verkoop.