Nuwe karavaan in ons toekoms...

Vandag die Fleetline uitgepak...liewe genade kon nie glo wat alles daar uitkom nie, wil nie weet wat daai goed alles weeg nie. Dink nie hy was sedert 1999 so leeg nie. Voel eintlik effe hartseer maar dit gee mens weer die fokus van 'n nuwe begin. Dink as die Sensasie hier is sal daar met 'n badkamer skaal en 'n spreivel gepak word, die dae van genoeg borde en eetgerei om 'n nasie te onthaal, net ingeval, is verby. Vandag uit die Fleetline 6 potte uitgehaal, 2 koffie plungers, 2 ketels, koffie bekers vir Afrika. My studeer kamer asook een slaapkamer lyk nou amper soos die huis van een van daai mense op TV wat goed so erg  "hoard" dat die owerhede moet ingryp! More oggend kom We Buy Cars kyk en 'n aanbod maak, die ou praat tans rondom R40k maar dit kan op of af gaan afhangende....sal maar sien. Ek weet ek sal meer uit die hand kry maar die feit dat WBC onmiddelik betaal en die papier werk afhandel maak hulle 'n aantreklike opsie...en natuurlik geen risiko nie Daar is ook heelwat goed soos drie van daai aluminium rakke wat teen die wa se kant hang wat ons los sal verkoop want die goed pas nie op die Sensasie nie, so ook grondseile wat almal groen is, die goewerment reken dit pas nie by die wit en grys van sensasie nie, die moet nou glo vervang word met gryses...

Myne is ongelukkig 'n 1995 model, maw sowat 30 jaar oud.

Naaste aan ons s'n se ouderdom is 'n 1992 model in Krugersdorp vir sowat R59k (privaat koop), maar dan het die ene 'n nuwe tent sowel as 'n amper nuwe rally tent plus lug reeling en allooi vellings (ingesl die spaarwiel velling) by. Lyk ook asof die ene se binnekant oorgedoen is...alles goete wat ons s'n nie mee spog nie.

Toe gister die Sensasie gehaak en huis toe gesleep. Alhoewel leeg voel (en is) sy swaarder as wat die Fleetline was. Maar sy sleep stabiel, met Lynnwood Weg af snelweg toe en kort stukkie op die (baie besige) snelweg was sy stabiel sonder enige aanduiding van swaai. Wat die hek aan betref pas sy, met sowat 3cm spasie weerskante, effe moeilik om seker te maak sy gaan reguit deur, so ek sal seker plan moet maak. Dankie tog vir die movers, die het geweldig gehelp om haar deur die hek en onder die afdak in te kry. Vandag gespeel met al wat knoppie en liggie is...laat mens soos 'n klein seuntjie voel. Moet ook byvoeg Silver Lakes Karavane in Lynnwood weg verdien 'n pluimpie, hulle het uit hulle pad gegaan om alles wat andag nodig het uit te sorteer, veral Theuns die verkoops agent. Hier is 'n foto van Oom GW en sy Goewerment gereed om huis toe te vertrek. Trokkie se sleep bal is effe laag, sal die hierdie week met 'n stel gate lig wat sal verseker dat die wa steeds effe neusaf sal loop, op die oomblik is sy effe te veel neusaf

Dankie almal vir die goeie wense met die "nuut vir ons" (ek leen maar Toyota se advertensie slagspreuk!) 10 jaar oue karavaan. En ek weet nie van die goed lyk nie Neef, die Goewerment ja, maar GW? Ekke wys maar my baie lewens grondpad myle!

Ja Wessel, die neus op die foto loop effe laag, die sleepbal is nog soos dit was vir die Fleetline (wat 13 duim bande het). Die Sensasie het egter 15 duim bande. Ons het dit maar gelos vir die kort rit huis toe, moet byvoeg die neuswiel het by geen spoedhobbel geraak nie so dis nie so laag dat dit die pad oppervlakte kan raak nie. Ek moet nog so bietjie meetwerk doen maar op die oog af behoort die opskuif van die sleepbal na die onderste ry gate van die standaard Ford sleepstang die ding te doen. Los my met nog 'n ry gate om verder op te skuif sou die wa se neus steeds laag wees. Met die nuwe wa kan ek ook nou die sakplaat wat voorheen nodig was afhaal. Terloops die agterste ligte is toe gewone gloeilampe en nie LEDs nie. Ek gegewe my "normale" paranoia probleem, het laas week (net vir ingeval) maar by die plaaslike Ford handelaar die Ranger LED intervlak kabel gekoop, koste was nie te rof nie, rapsie oor die R500. Die ding is nogal netjies gemaak, sal nog 'n foto plaas. Die bly nou permanent in die trokkie, het darem nou die opsie om vorentoe die nuwe wa se ligte na LED toe op te gradeer. Wat meer gereeld kamp aanbetref is dit die plan. Oor die naweek weer die wa deurgegaan vir enige ooglopende foute. Die handelaar het basies alles gedoen insluitende nuwe bande, laers, ens. een ding wat agterweë gebly het was die vervanging van die spaarwiel, die lyk splinternuut en het ooglopend nog nooit geloop nie...probleem is dat dit reeds in 2014 vervaardigig is en reeds die rype ouderdom van 11 jaar bereik het. Dis maklik en waarskynlik algemeen om dit te mis, so die week sal ek die laat vervang met 'n nuwe ene. Die Sensasie is 'n dame wat effe te gewigtig is om kanse te vat met 'n (moontlike) "dodge" spaar wiel. 

Vir jou 'n WA gestuur Danie

Dankie Rona, ons sal verseker die nuwe wa geniet. Die groter gemak sal natuurlik bydra, en dit behoort Oom GW ook in die Goewermment se goeie boekies te hou

Sowat 'n uur gelede het WBC se bakkie met ons geliefde Fleetline agteraan by ons hek uitgery....moes maar 'n paar trane wegsluk, ons het die outjie sedert 1999 regtig geniet. Moet egter noem dat WBC se proses regtig pynloos is, papierwerk sommer in die Fleetline gesit en doen, Oom GW het geteken en minute later het my bank balans 'n skielike sprong gemaak . Ek dink ons is teverede met die prys gegewe dat die Fleetline nou al 30 jaar oud is, glo die volgende eienaar sal ook goeie tye in die wa geniet.