Maart 2019 Koffiekroeg

Dusty was al twee ure gelede hier.  Waar is jy nou Dusty, slaap jy alweer?

Lappies, ek hoop die wind gedra hom sodat die wedren kan voortgaan.  Jy moet dit geniet en lekker trap!

Len, bederf jou vrou met baie liefde daar by die hospitaal.  Hoop dit gaan goed vandag.

Voortrekker is seker al terug op SA bodem?   

Ek hoop julle het almal 'n rustige en aangename Sondag.

More sê almal. Die mooiste sonsopkoms gehad vanoggend

Antie. 05h41 geland om presies te wees 😁

Goeiemôre!  Terug in die mooiste land!  Ek is nou op gautrain oppad huis toe ​​​​​​

Lekker dag vir almal! 

Goeie môre kampforum, geniet julle dag, lyk na bietjie reen hier vandag👍

Anton welkom terug.

Len sterkte daar by julle.

Goeie more almal.  Pragtige sonskyn dag vanoggend. Anton,  "welcome back " en jy moet lekker rus vandag.  Mag julle almal n wonderlike dag sal he

Hoop dit gaan goed by almal. Hier juig ons - daar het tot nou toe amper 40 mm reën geval en ons het goeie hoop vir nog 'n bietjie. Ons watertenke loop sommer met so 'n boog oor.

Bly jy is veilig terug Anton.

Sarel, ek is so bly om te hoor van julle reën.   Ons het tot nou amper 30mm gehad.   Dit is volgens die reënmeter maar dit het nie so gelyk nie.  Ek dink daar het meer in die nag geval as wat ons besef (of gehoor) het.   Dit lyk nog steeds na reën.   Ek hoop ons (en julle) damme het water gekry.

Voories, bly jy is veilig terug.   Geniet jou gesin en huis vandag.

Welkom terug Chief.

Geniet julle Sondag.

Gaan later probeer braai, het eers onderhoud met nuwe moontlike werker hier by my.

Wees veilig

Môre sê Kampforum.

Welkom terug Anton.

Genuet julle dag in vrede.

Welkom terug Voories. Ja Frieda die wind was redelik tot by Simonstad en dan weer so bietjie aan die gang by Chappies en Suikerbossie. Maar het ons darem gehelp ook op plekke, behalwe vir die laaste paar km's, toe was die wind sommer weer rof. Genadiglik eintlik sommer net baie lekker en het my 10de ene veilig kon klaar maak. My tyd was maar stadig, 5 ure 28 min

Dis net jou jeug wat jou gehelp het. 

Nee ernstig, ek weet nie hoe oud jy is nie, maar as ek kyk na die die foto van jou saan met Lennie, dink ek jy het rede om baie trots op jouself te wees.

Baie geluk Johan, dit wil gedoen word.

Len, laat weet gerus gerus hoe dit met jou en jou annerhelfte gaan.

Goeie naand vriende !

Baie rede tot dankbaarheid vandag :-

• Heerlike, harde bui reën gehad en twee van my drie reëntenks is vol !  En nog reën word vir môre voorspel
• My annerhelfte se herstel na haar rugoperasie Donderdag is fenominaal  -  sy is vanaand ontslaan en terug by die huis ! Sy loop al die hele wêreld vol, sonder krukke of 'n loopraam !

Len, dit is nou dubbele goeie nuus.

Eerstens jou vrou wat so goed herstel, en ook die reen wat die kaap kry. Ek lees net nou op Maroela, dat daar effense  verligting op tuin nat maak aan gekondig is, damme is 53%  vol teen oor verlede jaar se 24%.

Sê ek mos, die Here sal nie sy tuin verwaarloos nie.

so bly dat Annatjie so goed se herstel. So 'n rugoperasie is niemand se maat nie.

As ek kyk na die weervoorspelling kan julle dalk nog heelwat reën kry. So dankbaar en bly.