Bennie Boekwurm/s

Ek hou van lees.  Ek lees graag die Bybel en ook filosofiese skrywe en opologetiek.  My Bybel lees is beperk tot so 30 minute per dag en die ander goed sal ek lees soos ek nuuskierig of geboei voel.  Ek was nog nooit 'n aanhanger van fiksie nie - dit is waarvoor flieks daar is

Lees ook my Bybel elke dag.

Verder geniet ek ons ou SAW boeke geskryf deur  oud soldate.

Jy kry nie trappe van vergelyking vir boekwurm nie maar as daar was sou ek "mees boekwurmste" gewees het.   Ek lees baie boeke, dik "best sellers", maklik twee 'n week.   Ek sal eerder lees as om lank TV te kyk, of selfs 'n fliek.  Ek sal nooit 'n digitale boek geniet nie, moet fisies 'n boek vashou en verkieslik lees ek terwyl ek op die bed lê.   Ek lees net Engelse boeke en meestal spanningsverhale, speurdramas, hofdramas, moordstories (whodunit).   Ek geniet ook outobiografieë van bekende mense.     Eintlik hou ek van enige goeie storie en die skryfstyl van die skrywer het baie daarmee te doen of ek 'n boek lees of los.  

Een ding wat my baie gehelp het toe ek nou ophou rook het, was my boeke.   Ek was nooit gewoond daaraan om te lees terwyl ek lees nie, so as ek lus raak vir rook, dan vat ek 'n boek en lees!

Ons is altwee boekwurms, Von sit selde n boek neer as sy begin het, en lees baie vinnig.  Soos Freda, al die speurstories en sulke boeke. Self lees ek selde fiksie, maar geniet n Cussler vir ontspanning.

Nou net klaar met Sapiens, a brief history of humankind.  Dit was nogal moelik op die van begin tot einde te lees, Harari verloor my gereeld langs die pad, maar dit gaan maar so met die tipe boeke. Dink nie Voortrekker sal die boek geniet nie, te veel teenstrydigheid met geloof.

Ek het n heel paar boeke oor Suid Afrika, van die dae voor kolonialisering, maw van die inheemse volke, boereoorlog, van die karakters, Paul Kruget, Deneys Reitz. Lees ook graag Olive Schreiner, het eintlik als al gelees,  so ook Eugene Marais se werk. n Boek wat my altyd bybly is Covenant van James Michener, regtig n goeie weergawe van ons land se geskiedenis tot so 40 jaar gelede.

Ons is lede van die biblioteek hier op Oudtshoorn.

Met lees val ek my self stukkend uit die boom.  Dink ek het baie lank terug net een boek kon klaar lees. (Wilber Smith in Afrikaans)

Herman praat nou van die biblioteek.  Baie jare terug  het ek ook boeke by die biblioteek gekry.   Nou weet ek nie eers of ons biblioteke nog die moeite werd is om na te gaan nie.  Ek moet tog eendag gaan kyk en sien wat nou daar aangaan.   Daardie tyd moes ek ook die kinders help om in die biblioteek navorsing te doen en inligting te kry vir take.   Die biblioteek het afskrifte van die bladsye vir ons gemaak, min gekos.

Ek kry al my boeke by 'n boeke "swop shop".  Jy kry krediet vir die boeke wat jy terugneem en dit kos relatief goedkoop per boek.  Ek koop so 7 - 10 op 'n slag.   Ek lees nie altyd almal wat ek koop nie.  As ek nie van 'n boek hou nie, lees ek nie verder nie.

Oe, nee, Herman.  Ek sal maar eerder saam Vonnie lees.  Daai boeke van jou klink meer na werk as ontspanning.

Lees nie baie nie maar Bybel eerste en dan Wegry/Sleep tydskrifte 

Doen ook soos Shaun en dan ook nog JT Edson en Louis L'AMour boeke. Ny dogter se vriendin het haar pa se boeke gekry en ek het dit almal gelees. Dit was so 80 JT Edson boeke.

Ek is baie lief vir lees, veral hardop-lees. Gevolglik lees ek en Ralie 'n boek gesamentlik - ek lees en sy luister. Soos nou met ons vakansie het ons etlike boeke saamgebring wat ons gesamentlik lees.

Ek sou wat wou gee om boeke vir blindes (bandhulp) voor te lees, maar ons bly in die platteland en vir daardie doel benodig hul jou dienste by ateljees.

Ek het so 'n mate van 'n drama-streep in my weg. Ek wou aanvanklik na skool drama gaan swot, maar het om een of ander rede dit nie gedoen (en eerder gaan leer vir wynmaker, wat ek buitendien nooit geword het nie). Ek was egter betrokke by amateut-toneel - wat ek baie geniet het.

Ek poog werklik om (selfs net vir my en Ralie) voorlesing op 'n "professionele" wyse te doen.

Dit klink,of ek dan ook deur 'n boek,of twee sal kom.  

My wêreld, Chris.  Ek is glad nie verbaas om dit te hoor dat jy mooi kan voorlees nie.  Jy kan mooi vertel en skryf ook.

Nou wat gebeur as jy nog wil lees en Ralie wil slaap, of andersom, Ralie wil nog luister en jy wil slaap?

Ek lees veel eerder as om TV te kyk. Voor ons kinders gehad het, het ek en my vrou altyd tydens die warm ure van die dag in natuur reservate en nasionale parke gelees. Dis die heerlikste ontspanning. Aangesien ek nou twee kleuters het is my leestyd beperk tot op die pot en voor ek gaan slaap in die aand maar ek geniet dit steeds. 

Ek lees nie sommer nie-fiksie nie, daarvoor is die lewe te ernstig. As ek lees wil ek ontspan, nie werk nie. Vir ander wat lief is vir misdaadromans, hier is 'n paar lekker skrywers (ek sluit net twee Engelses in - daar is deesdae baie goeie Afrikaanse skrywers. Probeer hulle gerus Tannie Freda):

Harlan Coben

Jo Nesbo

Madelein Rust

Deon Meyer (natuurlik, maar lees gerus Koors as jy nog nie het nie. Dit is een van my gunsteling boeke ooit)

Steve Hofmeyr (vergeet heeltemal van wie hy is en wat hy gewoonlik doen - hy het 'n paar baie goeie novelle/romans geskryf)

Paul C Venter

Karin Brynard

Chris Karsten

Ek geniet ook satires en Ben Elton en Carl Hiaasen het klomp lekker boeke geskryf.

Ek verkies ook my boeke van papier en koop ook by tweede handse boekwinkels maar ons biblioteek in Worcester het nogal lekker boeke. Moenie jou plaaslike biblioteek afskryf nie.

Dankie, Wildehont, ek moet bietjie kyk na daai Afrikaanse lys van jou.   Ek sal daarvan hou om 'n boek van Steve te lees.  Dis nie dat ek nie Afrikaans wil lees nie, dis net, vroeër jare was dit mos net soetsappige liefdesverhale.  Die held en heldin hou niks van mekaar nie, sit heeltyd vas maar eintlik weet jy van die begin af hulle is eintlik verlief op mekaar en gaan op die ou end trou.   En hoor hier, in my jonger dae was ek versot op die stories.   Tot ek Engelse boeke ontdek het in die biblioteek.  Ek besef egter daar is baie uitstekende Afrikaanse skrywers.  Hul boeke is net nie beskikbaar by my swop shop nie en om al die boeke wat ek lees, nuut te gaan koop, gaan my 'n plaas se geld kos.

Frikadel, dis jammer dat vandag se kinders net eenvoudig te veel ander opsies het.   Ek kry hul eintlik jammer dat hul nie die wonder van lees besef en ervaar nie.   Dit gee my oneindig plesier en hou my brein wakker en aan die lewe.

Neef hoor van die lees vir ontspan. Weet nie wie ken Asterix en Obelix nie, almal seker 10 keer gelees-gekyk, maak my trane lag. Calvin en Hobbs, ongelooflike lekker lag avonture die twee. Op skool al die JT Edsons, Louis La Moure, al PJ Schoeman se boeke.  Heinz Konzalik, was oorle pa se boeke, moes hulle skelm lees, het so af en toe n juicy stukkie gehad.

Die "ernstige" boeke is nie n geval van studeer nie, ek lees oor spoorsny want ek bly op n plaas, en "lees" my veld. Plante, wat groei waar, is die veld gesond, onder druk, watter is medisinaal. En ek leer nie botaniese name spesifiek nie, party sal vassteek. Evolusie, het Darwin se boeke gelees, hoekom, omrede dit interesant is om die te verstaan waaroor dit gaan.

Neef sal ruiterlik erken dat daar boeke is wat ek probeer het, en na elke bladsy net so leè uitdrukking het as n babbelaas matroos. Steven Hawking se " Brief history in time" is n goeie voorbeeld. 

Ek lees graag fiksie en dan en wan, nie-fiksie.   Op die oomblik besig met moord en roof stories op my tablet - nie Kindle nie.   Ek het begin met sowat 900 boeke beide fiksie en nie-fiksie en is nou af na 600+.     Shades of Grey trilogie is ook daar maar dit hou ek vir die oudag .

Asterix en Obelix se hele reeks het ek gehad.   Nou lees die kleinkinders dit maar ek twyfel of hulle die woordspeling verstaan of begryp.  Dis eintlik vir volwassenes se begrips vermoë geskryf.

Groete van die oom.

Ons ry nie sonder dat Burger Cillie se Soogdiere van Suider Afrika, Van Wyk & Van Wyk se bome boeke en beide Sasol en Roberts se digitale voëlboeke ingepak is nie.   Die verkykers is dan ook nog 'n moet.  

Ons het verlede jaar vir twee kleinseuns elk 'n Soogdiere van Suider Afrika gekoop as geskenk en hierdie week vir kleinnig in Orlando (VSA) die Ingelse uitgawe wat sy in Julie sal ontvang - die Namibië ouma gaan kuier en SA se oom en tannie ry saam op die vliegmasjien.  Besoek gerus Briza Uitgewers op Google.   Die soogdiere boek is die moeite werd om te koop.  

Tannie Freda, biblioteke het maar agteruit geboer.  Is self 'n lid by ons plaaslike biblioteek maar die rakke vernuwe nie juis nie.  Deon Meyer, as voorbeeld, word maar (is) afgeskeep.  

Weer eens groete (vir nou) tot ek weer kom kyk wat hier aangaan.      

Probeer gerus ook Rudie van Rensburg se boeke

Ek wou hom insluit by die lys, het self al twee van sy boeke gelees

As jong lat, tot so ongeveer 25, het ek elke Wilbur Smith boek gaan koop sodra dit beskikbaar was, werk druk het my lees liefde gekwyn.

Ek het elke Louis La'Mour boek ook op geraap, net voor ons weg is kaap toe, vat ek my vrou na haar gunsteling "book swop shop" toe, en daar lê paar Louis La'mour boeke en roep my.

Deon Meyer lees ek ook graag, en het Koors het ek twee keer gelees. Briljante boek.

My "cowboy" boeke het ek in die eerste week klaar gelees, slaan toe oor na my vrou se boeke van Linda La Plante, en trek nou by die vierde boek.

Elektroniese boeke kry ek nie gelees nie,  ek soek daai papier in my hande.