Soek raad - Mahindra XUV 500

Wat is sy Tare ?

Nico Ski sal kan help.

Middag Stephan

Daar is 2 goed verskuil in jou vraag;

1] krag----dit sal jy moet besluit oor hoeveel voldoende is

2] die wetlike aspek rakende gewigte van woonwa en sleepvoertuig. Die XUV500 se boekie behoort jou sy lisensie-, bruto- en gekombineerde gewig te gee. Die lisensiegewig moet net meer of gelyk wees aan 1400kg [bruto] vam woonwa

Hy sal hom soos 'n droom sleep!   2.2 MHawk het oorgenoeg krag en die XUV sal daardie gewig ook wettiglik hanteer 

Volgens dit wat ek kon kry lyk dit goed. 👍

Specifications

• mHawk155 Diesel Engine, 6th Generation Electronically Controlled Variable Geometry Turbocharger (eVGT)
• Cubic Capacity: 2179 cm3.
• Max Gross Power: 114kW @ 3750 r/min.
• Max Gross Torque: 360 Nm @1750-2800 r/min.
• Gear Box: 6-Speed Synchromesh, Automatic: 6-speed transmission.

Inligting gekry by web.

Solank jy nie te haastig is nie sal dit werk, daai 114kW lyk dalk effe aan die papperige kant, die NM lyk aanvaarbaar met 'n lekker wye sprei van omwentelinge. En natuurlik moenie eers probeer vergelyk met daai Territory van jou nie

Ek gee net inligting, stel nie belang om van die ST ontslae te raak nie. 🙂😉

Ek glo hy sal lekker sleep. Ek sien sy krag specs is baie naby aan die 2.2 Ranger se specs.....hoor nie dat mense kla oor 2.2 se krag en sleep vermoë nie....so glo jy gaan genoeg krag hê met Mahindra 

Ek weet Nico (ski) sleep sy dubbel as met die Karoo wat dieselfde 2.2 MHawk in het -  maar die verskil hier is dat die Karoo se 2.2 getune is vir 103kW en 320 Nm's -  die XUV het dus omtrent 10% meer krag as die Karoo bakkie.

Ek sleep ons Sprite Sprint soos 'n droom met my XUV 500. Was Maart Kaap langs gewees en kan nie kla, bergpasse was skaflik uit geery en brandstof was baie billike gewees.. Probeer gerus 'n toets rit as dit moontlik is. Binne is die SUV ook lekker ruim om mee rond te ry. Maar elke ou soen sy vrou op sy manier, koop is jou keuse. 

daai 114kW lyk dalk effe aan die papperige kant, die NM lyk aanvaarbaar

My Fordjie lewer 115kW @ 3 200 rpm en 380Nm @ 1 800 rpm en is ook outomaties en weeg dieselfde droog en dit sleep die redelike swaar Kavango heel maklik. Ons het twee kleuters en laai die Everest se groot baggasieruim boonop propvol. 

Jy gaan daai Regal sleep dat hy rekmerke kry en boonop baie geld spaar aan brandstof met die groot verhoging in branstof pryse op die horizon...

Môre Groot wind

Ai man, hoe moet ons minder bevoorregtes nou voel?

Die 2.4 Hilux-promise het ook net 110kw, maar lewer 400Nm uit masjien. Gekoppel aan sy ratkas en sterk ewenaar, gee dit baie wringkrag op die wiele.

Die vrae is;

1] soek ons wringkrag vir sleep

2] of kilowatt vir spoed

3] laastens- wat is voldoende, waar trek mens se beursie die streep. 

Waar is die dae toe die Isuzu 2.8td [1995] se 250Nm meer as genoeg was om 'n Exclusive te sleep.? My Territory het maar 380Nm gelewer,en daai kar kon sleep. As ek dus weer so 'n 400Nm uitset kan kry, is ek tevrede. 

Wessels jy laat my nou ver terugdink aan my ou Isuzu 2.8 td.  Dit was my eerste diesel bakkie wat my gemaklik oor die 10km/L gegee het.  Ek was gewoond aan die Colt Rodeo 3L 4x4 wat my so 6km/L gegee het.  By die sleep het die ou Isuzu 2.8 maar gesukkel met my eerste Exclusive.  Een keer het hy na ek hom mooi gediens het sy belde afgegooi net buite Bloem.  Die tweede keer wat ek probleme gekry met die karavaan agter hom het hy head gasket geblaas naby Sterkfontein.  Gelukkig het niks skeef getrek nie en die herstel kostes was min en vinnig. 

Met die groter karavane is krag 'n groot vereisde veral as daar berge is want jy gaan elke NM nodig hê om veilig te kan sleep.

Voor ek na langbroek voertuie soos die Territory en 3.2 Rangers beweeg het was daar twee Jeeps, 'n 2.5 Grand Cherokee (85kW en 295Nm - 'n regte donkie!) gevolg deur 'n outomatiese 2.8 Cherokee (110kW en 360Nm). Die 2.8 Jeep is die naaste aan die Mahindra en alhoewel die my Fleetline redelik gesleep het het ek altyd gestres oor Van Reenens pas en daai steil bult by Pietermaritzburg, ek het altyd gevoel dat die Jeep maar bietjie gesukkel het. Maar dis darem ook nie net wat die enjin lewer nie, die ratverhoudings speel ook 'n rol. Sou dink Stephan moet dalk probeer om 'n sleeptoets te doen? En ja, beursie speel altyd 'n rol, veral vir ons pensioenarisse! 

Het julle al besluit wat julle gaan maak met die lekker keuse waarmee julle sit?

Goedkoper versekering, laer brandstofverbruik, meer poeier en dalk beter rygerief? En boonop is dit ‘n Ford!

Ek wens ek moes daai keuse maak, en ek weet watter een ek sou vat. (Kyk hoe droel ek)