Ondersteuning aan Kampforum Lede

Ons glo Len gaan sommer gou weer sy positiewe self wees, veral nou dat hy by sy huis en tussen sy mense is.🙏

Wessel, sterkte met die spesialis en met Marie se gesondheid, ons gebede is dat die Heer sommer vooraf haar gesondheid sal aanraak en dat die spesialis niks fout vind nie🙏

Hou ons asb hier op hoogte.

Ons is bly julle is veilig by die huis Wessel. Ons hou vir Marir ook in ons gebede dat sy gou weer  haar normale self sal wees. Sterkte daar.

Sterkte my vriend, ons sal beslis haar aan ons Groot Geneesheer opdra. 

Môre Len

Ek is bly om te hoor dat jy tuis is. Ek hoop Annetjie het mooi geluister dat jy nie mag huis skoonmaak of skottelgoed was nie.

Terwyl jy rustig aansterk, gesels 'n bietjie man. 

Weet nie of dit mooi van my is om te noem nie, maar gister verneem Len is terug in die hospitaal. nierfunksie word dopgehou. Die ou herfsblaar kaptein moet nou regkom, daar moet beplan word vir die volgende kamp. Dink ons noem dit die Herfsblaarskollies saamtrek, ander voorstelle is welkom.

Dit is goed om vir Len so by die huis te sien 

Lyk of daar nooit probleme was nie, Len lyk goed🙏

Goeie nuus dankie Willem.

Len, nou moet jy self weer hier begin gesêls en van volgende jaar se KNP toer vertel👍

Môre Len

Rooiwyn werk net so goed as bloeddruk pille. As jy sukkel met lae bloeddruk, maak soos ekke, vererg jou sommer in die rooi omwentelinge in.

Wanneer en waarheen sleep jy eersdaags?? 

Ja ek is tuis en my internis se instruksies is ek my bloeddruk (die boonste vlak) op 160 hou en dit nie laer laat gaan nie sodat voldoende bloed altyd my niere bereik.  Sodra die vlak hoër as 160 styg, dan eers moet ek een bloeddruk pil drink.

Ek is nog maar baie swak, maar voel al sommer baie beter.

Baie dankie aan almal se goeie wense en belangstelling.

Baie bly en dankbaar dat jy weer terug is by die huis.

Len, word nou gesond en laat ons hoor van jou beplanning vir 'n Hartenbos kamp👍

Shaun, hoe gaan dit met jou ma?

Wessel, kan jy al gaan rugby speel met die voet?

Môre Johann en al die ander vriende

Ek het 'n oproep gehad Sondagmôre van Rassie af. Ek moes hom egter teleurstel, en meedeel dat ek nog nie wedstrydfiks is nie. Volgens hom is dit egter nie 'n probleem nie, die helfte van die Springbokspan is ook nie.

Ek gaan voormiddag weer die spesialis sien, daar is nog steke wat verwyder moet word. 

Ek lees vanoggend net goeie nuus op hierdie gedeelte van die kampforum en dis lekker. Geniet die dag.

Middag vriende

Nou net terug van spesialis, van die steke uitgehaal, ou velle en rowe verwyder, maar moet weer gaan. Sjoe, ek kon nie my indink dat so 'n operasie en veloorplanting so 'n stadige herstelproses behels nie.

Ten minste sit die nuwe vel, en mag ek begin kaalvoet loop, net nie terwyl ek kampeer of met spitvurk en graaf werk nie.

Ten minste sit die nuwe vel, en mag ek begin kaalvoet loop, net nie terwyl ek kampeer of met spitvurk en graaf werk nie.

Baie bly vir jou part. Hoop en vertrou egter dat alles goed sal herstel/genees.