Oktober 2026 saam gesels

Dit is nie Geert wat verjaar maar sy vrou.

Hi Wessel. Ja, bespreking was oorspronklik op my naam teen R9000. Deposito datum was vandag, so het reeds na haar naam oorgedra. Basies R2500 besparing

Is hierdie forum stadig besig om dood te loop? Amper 2 weke terug dat probleem ontstaan het. Soos Wessel uitwys is ons maar n handjie vol wat tydens probleem nog ingelog was en kan deelneem. Ek sien tans nie die nut daarvan om iets hier te plaas nie en mense wat wil saamgesels dan, moet vir my persoonlike WhatsApp stuur omdat hul nie kan inlog nie. Die forum het juis die laaste tyd weer lekker spoed opgetel.

Dit sou jammer wees....ons het soos n familie hier gevoel. As iemand kampeer en sy ervaring deel, het dit gevoel asof mens saam toer.....iets wat mens nêrens elders ervaar nie. Selfs die kampeer vooraf beplanning van n lid het die ander opgewonde gemaak.

Goeiemôre.

Lyk my ek het bietjie vrugte gepluk danksy deurnag se werk om die login probleem op te los.

Maar ons is nog nie klaar nie.  Ek moet nog die hele webwerf opgradeer

Ek het nou van my tablet ingegaan wat uitgelog was en dit werk! Dankie

En die " hakkel" is lyk my ook weg! Nou kan ons lekker saam Chris Boucher toer

Goeie nuus Anton!! Dankie!! En soos Wessel genoem het - druk op ons nommer vir bystand t.o.v. finansies. Ek dra graag by.

Dankie vir jou harde werk dit word opreg waardeer. 

Dankie vir die laat ure en geluk met die sukses wat jy bereik het Voortrekker. Sal sien of ek ook 'n hakkelaar is en of sake glad verloop wanneer ek nou die knoppie druk.

Met die tydelike onderbreking wat ons hier beleef het het ek die forum vriende vreeslik gemis - kon "rooflees', maar almal het skielik so ver weg gevoel. Ek kon ook nie aanteken nie, terwyl dit aangetoon het dat ek aanlyn is. Verstaan nou die begrip "frozen in time"....

Ten einde laaste het ek besluit om my musiek te herorganiseer....duisende musieksnitte. Dit gaan nog lank neem, want interessant is hoe musiekvoorkeure oor tyd kan verander. Die lekkerte daarvan is dat ek myself skoon verloor in jare se herinneringe.

Dit dan waarmee ek myself besig gehou het, maar dis beter om terug te wees

Voolie het kuikens uitgebroei Woensdag, en sy is vreeslik woelig met kos aandra. Piet moet die klompie warm hou terwyl sy soek en hy gee die pragtigste sagte geluidjies waneer sy hom opjaag. Hoeveel kuikens daar is kan ek nog nie sien nie, sal moet wag tot hulle  begin kop uitsteek. 

Die ander mossies, vinke, laksmanne , duiwe al die geveerde volkies hier is besig met kinders grootmaak. Hoor ek gister n melodieuse sang soos die van n kanarie. Is dit n " Pinn tailed Wydah" wyfie wat so pragtig sing. Hulle lê hul eiers in ander voēltjies se nessies

Die www sê vir my dat mossies 4-6 eiers lê. Daar kan dan moontlik oor 5 dae (5 is verby) 'n hele paar nuwe  stemmetjies op Neef se werf wees. Ek wag in spanning vir nuwe nuus.