Soos almal weet is 2021 ook deurmekaar gekrap deur die bekende C19.
Ek het drade weer saam gesit "WilSur - Shingwedzi - Tshipise 2021".
Willem lyk my deesdae moet…
Willem lyk my deesdae moet mens maar die belaglike reëls so bietjie verbykyk en jou eie pad maak as jy wil lewe!
Willem, ek voel saam met…
Willem, ek voel saam met bogenoemde, hulle pla nie die karavane nie, as nie een van julle siek voel nie, haak en sleep..
Shingwedzi - Tshipise 2021
Ok, ek het weer die besprekings verander.
Het eers die Tshipise bespreking geskuif na Desember want dit is die eerste geleentheid om die 10 nagte te kan gebruik.
Dit is toe dat ek begin wonder oor Oktober se KNP kamp van 4 nagte, dit is 'n helse ent vir net 4 nagte al het ek dit na Letaba toe geskuif.
Toe besluit ek om dit weer te verander soos oorspronklik na Shingwedzi en dan deur na Tshipise.
So die besprekings is gedoen:
Shingwedzi
- Aankoms - 14-12-2021
- Vertrek - 18-12-2021
Tshipise
- Aankoms - 18-12-2021
- Vertrek - 28-12-2021
Tawwe Tienie....
ek bedoel Tawwe Willem.
Ek haal my hoed af vir enige persoon wat uit vrye wil oor Desember in daardie plekke wil wees.
Ek het gedink Julie is 'n lekker tyd, klimaat gewys, en toe tref ons koue.
Tawwe Tienie ...
Gelukkig hou ek van die Eiland se Desember klimaat al is die baie warm.
Wessel ja ek moet plan maak om daai besprekings te gebruik wat ek al in 2019 betaal het.
Desember Laeveld toe !
Willem, dit lyk heel sinvol - 'n lekker twee weke wegbreek in Desember.
Ek aanvaar julle sal dan weer ry tot buite Phalaborwa-hek en dan vroeg die volgende môre na Shingwedzi - dis nogal wyd, 135km. Die enigste alternatief is om Punda-hek te gebruik, dit is 72km tot by Shingwedzi, maar 'n vooraf oorslaapplek is problematies. Hoekom slaap julle nie op 13/12 oor by Punda nie, daar is nog heelwat kampeerplek ?
Desember Laeveld toe ! ...
Len
die plan is om 'n draai by my suster op Letsitele te maak voor ons oorslaap by Phalaborwa. Ek het eers na ek Tshipise se bespreking geskuif het besluit om weer so te ry anders kon ek dalk die Wildtuin trip langer gemaak het.
Shingwedzi - Tshipise 2021 ...
Als lyk nog soos beplan.
Safari Park Phalaborwa
- Aankoms - 13-12-2021
- Vertrek - 14-12-2021
- Die afstand van die huis na Safari Park is so 478km (dalk slaap ek oor by my suster hulle in Letsitele ?)
Shingwedzi
- Aankoms - 14-12-2021
- Vertrek - 18-12-2021
- Van Safari tot by Shingwedzi is so 161km
Tshipise
- Aankoms - 18-12-2021
- Vertrek - 28-12-2021
- Van Shingwedzi tot Tshipise is so 220km
Dan van Tshipise terug huis toe is so 480km en het gewonder of ons nie in Polokwane (Pietersburg) moet oorslaap nie (net om dit nog 'n dag uit te rek).
Ek sien daar is 'n plek in die stad "Igloo Inn Overnight and Caravan Park" dalk kan GeesWatWandel my help met inligting oor die plek vir oorslaap ?
Willem
Hi Willem - dit lyk nog steeds na'n lekker klompie dae.
Tussen Louis Trichardt en Pietersburg is Lalapanzi Hotel & Caravan Park (https://www.lalapanzihot…) by Bandelierskop - 72km noord van Pietersburg en 38km suid van Louis Trichardt. Dit is reg langs die N1. Ons het al heerlik daar oornag oppad Punda Maria toe.
WilSur - Shingwedzi - Tshipise 2021 ...
Nou ja, die voorbereiding vorder so tussen als wat by die huis aangegaan het. Die dak en plaveisel om die swembad is gedoen. Met die dat ons die familie kuier vandag gaan mis gee dit ons effe meer tyd om die pak van die karavaan klaar te kry.
Dit wil lyk of ons in die reën gaan vertrek Maandag.
Lyk ook of ons gaan reën kry in die wilde tuin
Dan lyk dit my ons gaan redelik nat weer by Tshipise ook beleef.
Help, Shingwedzi na Tshipise ...
Ek soek raad asb.
Watter sal die beste roete wees van Shingwedzi na Tshipise ?
By Pafuri uit of eerder by Punda Maria ?
Willem.................
Willem, my aanbeveling is beslis uit by Pafuri na Tshipise. Dit is buitendien nog 'n heerlike wildbesigtigings-roete. Toe ons in Zimbabwe gebly het was dit altyd ons roete na of uit die Wildtuin.
Amper tyd ...
Meeste goed is in (Surette reken min pakplek) môre wil ek net vinnig die bande en meeste onderkant van die 3B was voor ons ry. Die Ford is ook klaar gepak, stoelle, bankies, tent, koeldrank vir die versterer, koeler kas wat met 12v van die sigaret aansteker werk om koeldrank vir die pad en wilde tuin koud te hou.
Nou rus om vroeg môre reg te maak vir die pad 🏕🔥🥃🥩 toe.
Geniet Willem
Ek wens jou 'n moerske lekker wegbreek toe. Indien enigsins moontlik - hou ons tuisblyers maar bietjie op hoogte.
Geniet maat!!!
Julle moet veilig ry Willem…
Julle moet veilig ry Willem. Geniet hierdie langverwagte wegbreek. Vertrou dit gaan nou beter met die familie.
Tshipise ...
Ek begin kwaad word vir myself en wonder hoekom het ek nie verlede week plan gemaak en maar deur gery Tshipise toe nie.