Karoo Nasionale park

Skerp Johann!

Die Karoo Nasionale Park se ablusies en kampkombuis (soos op Len se foto's) is ongetwyfeld van die netjieste wat jy 'n Nasionale Park kan vind. 10 uit 10 vir Sanet wat al vir jare die skoonmaakster daar is.

Maar wat my verstom is hoedat sommige kampeerders dié fasiliteite kan bemors. Sanet het al menige keer vir ons gesê dat sy skud maar net haar kop as sy sommige oggende haar skof moet begin.

Ja Chris en baie keer hoor jy dit is kinders (seker maar GROOT kinders) kyk maar daar waar die groot winter kampe saam drom.  Baie gehoor "maar ek betaal mos" ???

Weet nie wanneer Len se foto's geneem is nie maar hierdie 2 jaar gelede.

Nog 'n paar fotos van die netheid van Karoo Nasionale Park se kampeerterrein :

Krane word hier nog met Braso blinkgevryf ! (Dit wys jou as jy nog trots is op jou werk) :-

So lyk die binnekant van die ablusie  -  pynlik netjies :-

My werk wil my nou weer dwing om verlof te vat tussen Kersfees en Nuwejaar. Ons is bespreek by Dwarswegstrand van 14 tot 28 Desember, so dis drie dae se ekstra verlof. Ek is mos maar lief vir skuur, so my kop staan dadelik na ekstra bestemming aanhaak toe. Oorde by die kus werk natuurlik met blokbesprekings, en ons kan nie langer by Dwarswegstrand staan nie - ek het reeds uitgevind. 
 

Ek kyk toe by SANPARKE, en die kampplekke op die Tuinroete het nie plek vir al die dae wat ek wil hê nie. Karoo NP het wel. Dis 252km van Dwarswegstrand en dus heel doenbaar. Ek wou die park ook al lank besoek en het nog nie daarby uitgekom nie. Ja, ek weet dis warm in Desember maar onthou ons was verlede Desember in Kgalagadi en bly in Worcester. Die verblyf gaan my net minder as R2 000 kos vir die vyf aande. 
 

Ek is baie lus om te gaan, en kort net bietjie aanmoediging. Is vyf aande te lank? 

Jy kan nie 'n fout maak met Karoo Nas Park oor genoemde tydperk nie. En as dit baie warm is? Daar is 'n uitstekende swembad.

Ek sou dieselfde tyd daar wees (22 Des - 3 Jan), maar moes ongelukkig my planne aanpas. My bespreking is nou verskuif en verander na Ebb & Flow - 7 tot 20 Maart 2022.

Ek moes vir ‘n ruk weggaan van my rekenaar af, en toe ek terugkom is die 28ste nie meer beskikbaar nie 

Ek het nou maar bespreek vir 29 Des tot 2 Jan. As daar nie plek oopgaan vir 28 Desember nie, sal ek maar iewers tussen Dwarswegstrand en Karoo NP oorslaap plek kry vir die een aand. 

.... dat alles in plek gaan vir jou Des/Jan besoek aan hierdie wonderlike plek - dat die aand van 28 Des ook moontlik sal wees. I.p.v. om die Sanparks-web alleen dop te hou vir 'n kansellasie kan jy ook praat met die 'girls' by Ezi Bookings. Hulle het al talle kere vir my gehelp danksy 'n kansellasie voordat ek self 'n "gap" op die internet kon sien.

kan jy ook praat met die 'girls' by Ezi Bookings

Baie dankie vir die wenk. Ek het hulle gekontak. Dit wil egter voorkom asof baie mense gedwing word om dieselfde tyd verlof te vat as ek kyk hoe die beskikbaarheid afneem op SANPARKE se aanlyn bespreking stelsel. Ek hoop net nie daar gaan oujaar iemand wees wat hulle feesvieringe in die kampterrein wil kom pleeg nie.  

Die enigste keer wat ek nog daar oor die Groot Dae gekamp het, was die algemene gees in die kampeerarea baie rustig, ten spyte daarvan dat dit elke aand tjok-en-blok vol was. Ek dink die ouens wat op Oujaar grotendeels teruggekeer het van die see af, en net een aand oorgeslaap het, se gô was uitgekuier by die see.

Ek dink die ouens wat op Oujaar grotendeels teruggekeer het van die see af, en net een aand oorgeslaap het

Daar is seker baie sulkes, en hulle sal nie wil fuif of laat wakker bly nie. Dit pas my soos ‘n handskoen. Die laaste ding waarna ek in ‘n nasionale park wil luister is bokkie-sokkie doef-doef en harde dronkpraatjies 

Dankie vir al die lekker info en fotos op hierdie draad. Ons beplan om einde die jaar Kaap toe te gaan. Ons het Karoo Nasionale Park op ons lys om te gaan inloer. Het oorspronklik gedink aan 2x nagte, maar klink of mens gerus nog dae kan byvoeg. 

Ons beplan om einde die jaar Kaap toe te gaan.

Lekker weg van julle normale KZN vakansies. 

Geert en ander lesers

Ons beplan om vir die 2de keer te gaan die jaar.

Moenie dit net vir 'n oornagplek gebruik nie. Ek sal julle aanraai om ten minste 2 vol dae te oornag. 

Bespreek net, die plek is/bly gewild as oornagplek. 

.... vir die Krugerwildtuin - alhoewel ek die gevoel kry my dae van 5 - 6 weke (en korter) in daardie paradys mag dalk iets van die verlede wees. Ek hou van Bontebokpark en Ebb & Flow (Tuinroete Nasionale Park). Mokala, waar ek menige kere gebly het as ek by Modderrivier gaan werk het, maar nooit gekamp het nie, is iets besonders. Kgalagadi, waar ek lanklaas was, is 'n wonderlike bestemming. Maar Karoo Nasionale Park ... ai, wat kan ek sê. My hart se punt!!

Dus sien ek baie uit na ons 3 nagte gedurende Mei (13 - 15) en die 14 aande in September (8 - 21). Laasgenoemde is gewoonlik een van jou beste maande om dié park te besoek. Die winterkoue is grootliks verby en die somerhitte het nog nie sy kloue ingeslaan nie.

Jy kan gerus maar langer kuier Geert.

Ek sien op Sanparks se website is 2x verskillende opsies vir kampering.....gewone staanplek en dan is daar gravel stands. Watter een is aanbeveelbaar?

Naand Geert

Die vraag is, wat is die normale staanplek. As ek reg onthou, het ek beide kere op 'n staanplek met 'n plaveisel blok gestaan. Dalk is dit die normale omdat die ander spesifiek genoem word "gruis.

Die voordeel van die blok plaveisel is, jy kan so trek dat jou sytent daarop is, en as dit reen, is jou goed moontlik uit die water. 

Chris B en Len moet ook hulle gedagtes laat gaan.

neef Herman: Jy is mos nou daar, ry tog 'n patrollie en gaan koer asb na die verskillende staanplek oppervlakke.