Oktober 2021 - Mooiste maand, kom groet en drink koffie

Middag Willem

Julie maand toe ek daarlangs KNP toe gesleep het, was dit plek-plek so effe grof, maar tenminste was daar nie toe slaggate nie. Dit was aan die begin van die pas, lank voor mens by Heannertsburg kom.

Ek vind die pad 'n gerieflike sleep-roete, en nie hard op mens se remme nie.

Goeiemiddag almal!   Ek hoop dit gaan goed met almal.

Ek moet die naweek alweer gaan tent opslaan by Voortrekker byeenkoms om sterrekunde kursus aan te bied.   Ek geniet darem die kinders - hulle is almal so stout!

Goeie more aan almal, lekker dag!

Goeiemôre almal!   

Iemand gehoor van die skietvvorval langs Sytze Wierda Voortrekker kommando Maandag middag?  Altwee my seuns was daar.  Vrou doodgeskiet in haar voertuig 10m van die een Voortrekker span af...

Ek het gelees van die voorval en selfs 'n foto gesien van die motor waarin die slagoffer was. Toe ek die opskrif lees het ek dadelik gedink aan jou.

Dit was vreeslik. My vrou was daar om te wag vir die seuns.  My oudste het gesien hoe word die vrou doodgeskiet.   Sommer net so.  Die snaakste van die hele storie is dat hulle vir haar gesit en wag het ...  Dit was nie 'n hijacking wat skeefgeloop het nie....

Goeie more.

Anton, het daai kiddies van jou nie dalk nou berading nodig nie. Dit is nie lekker vir 'n kleinkind om so iets mee te maak nie.

Die laaities het al gegaan vir berading met iemand wie ions ken.  Die kommando bied ook vannaand 'n sessie aan maar ons het daarteen besluit.   Ek het gisteraand ook weer 'n sessie met hulle gehad om ook die positiewe dinge te bevestig wat so 'n ondervinding op hulle lewens kan hé.   Hulle gaan vanmiddag deur plaas toe vir  bos berading.    Ek is maar die tipe persoon wat ook gereeld met hulle praat oor lewe en dood en die realiteit daarvan -  party mense hou wel nie daarvan nie...

Hier is 'n skakel na die eerste berig:

https://maroelamedia.co…

Goeie môre aan die paar kampmaters wat nog hier groet !

Hier by ons waai die noordweste wind ons onderste bo, maar dit word verdra want dit is ons reënwind.  Moes eintlik al vannag begin reën het volgens die verskillende voorspellings, maar nog geen druppel het geval nie.  Gelukkig lekker dik bewolk en dit lyk darem of die reën tog vandag en môre sal opdaag.

Ons het gisteraand 'n klompie kamppelle gehad wat hier by ons kom kuier het  -  ons ou gryses kan dit mos op 'n Donderdagaand ook doen.  Ek hoor toe 'n oulike storie wat met een van hulle twee weke gelede in die Kgalagadi gebeur het en sal dit later op 'n nuwe draad vertel.

Geniet jou Vrydag  -  ek gaan myne binneshuis geniet.

Dag sê Kampforum-maters !  Skaam vir julle wat hier lees en nie eers teruggroet nie !

Dis 'n lekker nat Brackenfell vanoggend na heerlike reën oornag, maar ai, die wind het geblaas !  Ek is so dankbaar vir die heerlike 22mm reën wat deur die nag geval het en my drie reënwatertenks van 2200 liter elk, is tjok en blok vol !  Dit is heerlik vir my om die munisipale stopkraan te gaan toedraai en die tenkwater-pomp te aktiveer  -  om nie eers te praat van daardie lekker laaaa..ng storte met vars reënwater nie !

Dis netso wonderlik om van die heerlike reën te verneem wat in die Karoo geval het en ek sal graag wil weet of Neef Herman daar op sy plaas naby Oudtshoorn roei of ry van punt A na punt B.

Middag maters. Len ons het 54mm hier gemeet, dit was lekker aanhoudende reen vir 12 uur. Geen vloede of skade nie. Ek is so dankbaar ons het Woensdag n pragtige blok hawer gehark en gebaal en die laaste vrag was so met die eerste druppels onder dak. My suster op Montagu het video's gestuur van die riviertjie wat daar deur die dorp loop,dit was sommer rof daar.