Ek begin hierdie gesprek om ondersteuning aan ons lede op te dra. 🙏
Sterkte Len, mag die Here…
Sterkte Len, mag die Here jou aanraak en genees, vir Hom is alle dinge moontlik.🙏
Sterkte Len. 'n Spoedige…
Sterkte Len. 'n Spoedige beterskap word jou toegewens.
Die krag van gebed
Oom Len, ek en baie ander wat hier lees bid die Here se ingryping af en glo dat Sy hand oor julle is vir suksesvolle mediese behandeling en ‘n spoedige herstel. Ons dien ‘n almagtige God.
Terugvoer van Len ...
Hallo Willem, Herman en Chris en ander,
My twee dokters sê my Wildtuin planne oor 'n maand moet voortgaan en hulle doen die operasie eers ons terugkom. Tussen nou en ons vertrek sal hulle help om moontlike infeksie te voorkom sodat ek nie weer in die hospitaal beland nie. Groete Len
Sterkte daar Len...dink die…
Sterkte daar Len...dink die besoek aan oom Paul se Wille Tuin is dalk net wat die ontsteking sal laat weggaan!
Dankbaar dat dit beter gaan…
Dankbaar dat dit beter gaan met Len.
Daarsy Len, ons is baie…
Daarsy Len, ons is baie dankbaar dat daar goeie vooruitsigte is. Die Vader is genadig en almagtig.
Terugvoer van Len ...
Goeie môre ! Gespit en gepolish 5vm - hoop om die naweek huis toe te gaan - die wildtuin wag. Dit kan mos net beter gaan met so 'n kaartjie van Gr. 1 kleindogter.
Kostelik. Len, hoop alles…
Kostelik. Len, hoop alles sal goed met jou gaan en dat jy mooi sal aansterk.
Len gaan huistoe ...
Boodskap van Len.
Goeie môre vrinne ! Hier sit ek gestort, ingepak, al 14 chroniese pille wat my aan die lewe hou gedrink en wag nou net vir die laaste behandeling want dis vandag ontslaan en huis toe gaan tyd. Lekker dag vir almal - myne gaan beslis baie lekker wees!
Sjoe, Willem....................
..................hierdie gesprekslyn gee my hoendervleis ! Baie, baie dankie aan almal vir gebede en gesond-word-wense, dis die goed wat 'n mens gesondmaak !
Ek is nou al twee ure by die huis en alles lyk vir my skielik pragtig, baie beter as die vier mure van 'n hospitaalkamer, siek mense, dokters en verpleegsters. Dit lyk amper so mooi soos in n nuut-herboude turbo ! My twee chirurge doen baie moeite om my in die Wildtuin te kry en daarvoor het ek net soveel waardering. Met die terugkomslag sal ons hier iewers in Junie die groot operasie aanpak om daardie die deel van die kolon wat aanmekaar lol, te verwyder. Genoeg hiervan, ek skakel nou oor na kamp-"mode" en moet nou bedink hoe ek my mede-mini-kampeerders daar in Beaufort-wes gaan beïndruk ! Ek kan tog nie soos 'n ou kranklike daar aankom nie.
Ek weet jy sal nie ...
ek skakel nou oor na kamp-"mode" en moet nou bedink hoe ek my mede-mini-kampeerders daar in Beaufort-wes gaan beïndruk ! Ek kan tog nie soos 'n ou kranklike daar aankom nie.
.... kranklik daar aankom nie. En ons sal jou sagkens behandel. Kom net!
Nou... is ek lus vir die…
Nou... is ek lus vir die kuier, en ons ou ballies gaan groot gaan. Ek het hier tuisgestookte witblits wat in n sjerrievaatjie verouder het. Wil nie bragg nie, maar dit is uitstekend, en bring dit saam net sodat ons karakter kan kry.
Sal my gat in rat moet kry, Jurgie het 2 jaar se bosduifmis op die dak.
Huis herfsblaar byeenkoms
Môre vriende
Enige persoon oppad KrugerNP toe met 'n halwe woonstel op sleeptou, kan nie geklassifiseer word as kranklik nie.
Ek sien Herman verwys na witblits uit 'n vaatjie, wonder of ons dit moet proe of by die diesel moet gooi vir beter verbruik. Daai witblits kan twee uitkomste lewer---karakter kry, of naam weggooi.
Dalk moet iemand tog die KarooNP betyds waarsku dat 'n bende "ou ballies" en hulle gades 'n inval loods van epidermiese proporsies.
Wessel klink my jy is net so…
Wessel klink my jy is net so jaloers as ek. 😂
Voel skoon uitgesluit.
Nee Jan ....
.... Wessel gaan hoeka deel van die 'crowd' wees. Ek dink hy's voorsitter van die byeenkoms.
Len ...
Hier is die laaste wat ek van Len gehoor het.
Sterkte Len, ons glo die infeksie klaar spoedig op. 🙏🏻