Wildehont se nuwe ou Ranger

Ek het min die spoedbeheer aangesit, net hier en daar op afdraendes. Ek het met die voet by 100 probeer hou waar verkeer dit toegelaat het maar meer gereeld effens vinniger gery - so 105. Die pad hierheen het baie opdraendes. My eerste sleep met die Prado was hierheen verlede Desember, en ek onthou ek was effe teleurgesteld. Dis omdat ek bang was vir die petrolverbruik. 

Ek het oppad terug baie lekker gesleep, want toe het ek die krag gebruik. Ek vermoed ek moet maar net dieselfde doen met die Ranger. Alhoewel ek gister nie teleurgesteld was oor die algemeen nie, het ek verwag dat dit makliker naby 100 sal bly teen steil opdraendes. Ek gaan hulle anders aandurf in die toekoms en kyk of ek self kan terug skakel na 4 voor die opdraende. Soos iemand gesê het; sy bakkie se rekenaar is slim, maar dit kan nie sien as daar ‘n opdraende voorlê nie.
 

Ek het wel teen die opdraende net na Gourtisrivier se brug waar daar twee bane is ‘n Prado 120 soos myne wat ‘n kleiner kampwa as die Kavango gesleep het maklik verbygesteek. En dis toe ek vergeet het om in Sport modus te ry. 

Ons staan op nr 17. Ek was eers hartseer maar nou is ek bly. 30 (waar ons die laaste twee jaar gestaan het) is in die wind van die see af. En dit het maar lekker gewaai gistermiddag terwyl ons opgeslaan het. Ons kyk Oos. Dit beteken wel oggendson op ons sitkamer, maar ons het lekker privaatheid en ‘n mooi uitsig op ‘n duin met baie voëltjies.
 

As ons regs kyk sien ons die see tussen 29 en 30. En dis heelwat goedkoper. Ons was vanoggend op die strand en het nou kom vars goed kry by Grootbrak se SPAR, dan gaan ons weer terug. Dit bly maar ‘n lekker oord. Met die mooi dag en vol oord was daar vanoggend net 65 mense op die strand, ver uit mekaar met genoeg speelplek op die sand tussenin. Die badkamers is oorgedoen, maar werk nie meer met kodes nie. 

Die verbruik is km afgelê volgens die bakkie se afstand meter (wat reg behoort te wees want die spoedmeter is akkuraat) gedeel deur liters ingegooi sedert laaste volmaak die dag voor ons gery het in Worcester. As ek dit kon kry met al die gewig en die opdraendes het ek hoop vir die toekoms. 

Daai syfer is 'n oombliklike syfer en is basies niksseggend...wat saak maak is die gemiddeld oor 'n afstand of tydperk. 

Ek weet dis hoe dit werk, en teen ‘n afdraende is die verbruik basies nul. Maar as mens ‘n roete ry soos die wat ons gister gery het en so gereeld die hoë syfers sien verwag jy die ergste by die pomp. My Ranger wys egter ‘n vol tenk op die meter totdat die tweede tenk se 40l klaar is en van die hoof tenk se diesel gebruik word. Ek het dus vir die joggie gesê ek verwag dat hy so 40l gaan ingooi, en dit was net onder dit toe die pomp afskop.
 

Ek gooi altyd net tot dit automaties afskop, want as jy die pyp ook volmaak en nie ver ry nie en die brandstof sit uit as die voertuig in die son staan dan stoot dit soms uit en bemors die voertuig. Terloops, die hedendaagse Fords het ‘n vreemde ontwerp met die klappie van die bradstoftenk wat nie kan sluit nie. Dit maak brandstof steel baie maklik.  Of is daar is siffie in die pyp wat dit voorkom?

Dit was my eerste sleep met die Ranger, so ek het dit self laat besluit. Ek het wel natuurlik vergeet om na Sport modus te skakel na die stop in Riversdale, maar ek vermoed die verkeer wat ons meestal beperk het tot 80 en die minder opdraendes het voorkom dat dit probleme veroorsaak het. 
 

Ek sal ‘n keer of wat kyk wat maak dit as ek probeer afrat na 4de voor die opdraende begin. Soos Grootwind verduidelik het is dit moeilik om te bepaal in watter rat die Ranger is. Myne wys in elk geval net D met ‘n klein s langsaan as dit in sport modus is. Net as mens die ratte self verander wys dit in watter rat die bakkie is. 

'n Windhoek draught sal lekkerder smaak

WH was drie liter diesel ‘n kis duurder.  

Die Ranger is ‘n baie lekker sleepvoertuig. Die ratkas is slimmer as ek, en die enjin het meer as genoeg woema. Die verbruik is natuurlik heelwat beter as die van die Prado, en ry gerief is nie sleg as die bakkie gelaai is en die Kavango op sleeptou het nie. Die kombinasie is stabiel, ten spyte daarvan dat die bakkie gelig is, en die wa dus effe neus in die lug staan. 
 

Daar is net twee probleempies. Die Kavango se rem/parkeerligte is LED. Die flikkerligte het nog die ou gloeilampe. As mens die hoofligte aansit flikker die wa se parkeerligte aanhoudend. Die remligte en flikkerligte werk soos dit moet. Mens moet blykbaar ‘n trailer patch harness koop wat jy inprop tussen die bakkie en die wa. Dit sal die probleem oplos. Ek moet nog by Ford uitvind wat dit gaan kos. Voor ons weg is Dwarswegstrand toe, toe ek die probleem agterkom was Ford toe. 
 

Die ander probleem is by die kappie. Dit werk baie lekker en is ordentlik aanmekaar gesit. As die bakkie stilstaan in die reën, lek dit egter. Ons het in reën gery oppad terug eergister, en daar het nie ‘n druppel water ingekom nie. Ek vermoed dit lek aan die voorkant waar dit op die bak rus. Die sykante van die bak is ‘n mm of twee hoër as die voorkant. Ek dink die water wat daar afloop, loop in die bak in onder die kappie.
 

Wat my bietjie warm onder die kraag maak, is dat ek vir die installeerder gevra het of hulle dit nie gaan toets vir waterdigtheid nie. Hulle het die een wat hulle voor myne opgesit het getoets. Hulle sê toe dis onnodig want hulle het dit getoets op die bakkie waarop dit voorheen was. Nou moet ek teruggaan sodat hulle dit kan seël. Nie my idee van goeie diens nie.