Nou reën dit lekker!

Dit was een harde bui reën wat 'n rukkie aangehou het en toe is alles verby.   Die lug lyk nog steeds na reën so hopelik kom daar nog.

Nou gaan ons die Cheetahs kyk.

Frans, jy het die oulikste gesiggies!

Wanneer ry julle vanaf die huis?   En wanneer sal julle op Glentana wees?

Hoop julle geniet die ryery ook, die oorslaap in Victoria Wes.  Dis mos alles deel van die vakansie.   Kuier baie lekker saam met die kinders volgende week.  Ek sou nie omgegee het as ek my kinders hier saam met my gehad het nie.   My seun het toe gister ons tyd 13.00 in NZ arriveer.  Hy klink baie opgewonde en positief.

Nog net een slapie vanaand.

Frans, my hart gaan uit na julle vandag met die herdenking van jou skoonseun se dood.  Ek gun dit vir jou en Linda dat julle hierdie keer 'n heerlike vakansie gaan hê, julle verdien dit regtig.  As julle in daai gepakte kar klim, moet julle afskakel, ontspan en geniet elke oomblik.

Dankie Johann, die kind het my al 'n paar keer gebel.    Ek dink hy voel  jammer vir sy ma.  Vanoggend het hy wattsups gestuur, dit is toe aand by hulle, hoe hy braai daar anderkant.  Weet nie vir wie hy almal gebraai het nie, dit was ribbetjie, hoender, wors en steak.  'n Hele hoop vleis.  Hy bly voorlopig by 'n kollega wat hy ken, so vir 2 maande, terwyl hy sy eie huis soek.  Heel moontlik het hulle vriende oorgenooi.  Sy vrou en kinders is nou nog in ons huis in die Baai tot einde Julie.  Dan kom haal hy hulle almal.  Dit sal dan die groot afskeid wees.  Sy nuwe werk begin reeds Maandag, maar hul gee hom 10 dae om sy voete te vind voor hy inval.

Die reën het ongelukkig nie aangehou nie.  Vandag was warm, maar dit raak koud in die aande.

Ek is bly julle is veilig hier!   Ek hoop julle is gerieflik en gaan lekker bly.  Ja, dit het vanmiddag begin koeler word, nadat dit vanoggend nogal warm was.  Ek moes self 'n rukkie terug iets warm gaan aantrek.  Ek dink die aand- en oggendkoue van die winter tree nou aan.

Colin het vanmiddag gaan visvang en sou my bel as hy 'n vis kry vir aandete......   Wel, ek het nog nie 'n oproep ontvang nie.    

Geniet jul kuiers hierdie week, ons kontak mekaar in volgende week.  Groete vir Linda.

Frans, Colin het toe besluit om te wag tot vandag.  Hy het net na Kleinbrak se rivier gegaan, mooi prawns gekry by die verkopers.  Hy sê die stompies het net die heeltyd sy aas afgebyt, geen ordentlike byt gekry nie.  Ek sal maar vis in Mosselbaai gaan koop.

Lennie, ja, jy moet mens ook altyd in die bek ruk.   Dit lyk darem of "kaap" nie so 'n groot sonde is op Kampforum nie.   Die manne verlei my ook om dit te doen, ek is nie die enigste skuldige nie.    Ons kyk nou net na die weerberig en hou saam met jou duimvas dat die reën gaan kom.  Regtig, dit moet nou gebeur.