April 2018 Koffiekroeg

Goeie môre Gertjie    Hoe gaan dit met die Ou Lady?   Is sy reg vir kamp einde Mei ?

Ek was 2 weke laas daar om werk te doen aan die ou lady. Projek staan nou bietjie want dit kos my teveel om te ry elke keer en die kompleks het my aansoek afgekeur om haar voor my dubbel motorhuis te laat staan.  Ek weet nie of sy reg gaan wees vir Mei se kamp nie. 

More mense, geniet die dag.

Ai Gerhard, dit is nou 'n neukery die komplekse met hul komplekse.

Mens moet seker maar probeer verstaan dat hulle die plek netjies ens. wil hê, maar wragties, om te verhoed dat jy jou eiendom by jou wil hê, is vir my bietjie onregverdig.

Probeer weer en kyk of hulle dit nie wil heroorweeg nie.

Dis net 1 persoon in die kompleks wat so dwars trek nou. Sy gun die huurders niks nie. Ons gaan maar moontlik trek volgende jaar na 'n los staande huis waar ek my goed kan by my hê, intussen gaan ek langer vat nou om die ou lady klaar te maak.

Goeie more aan al die mooi mense en Gryswater. 

Ek hoop dit gaan goed met almal vanoggend.   Hopelik het al die staarsiekte lyers bietjie later geslaap vanoggend.

Ons karavaan het ook altyd voor ons een garage gestaan in ons kompleks.  Maar 3 huise van ons af woon 'n vrou en sy het twee groot afdakke in haar jaart wat sy gladnie gebruik nie.   Sy het aangebied dat ons ons karavaan daar kan trek.  Ons is baie in ons noppies daaroor.

Harry, die Kaap het baie lekker speserye.   Ek het al baie speserye daar gekoop en dan gesoek in die Baai maar jy kry dit nie hier nie.

Colin se seun kom vanaf die Kaap vandag, hy gaan die naweek aan die Iron Man hier deelneem.  Hy slaap net vanaand by ons en ek gaan spesiaal vir hom vandag beesstert kook.

Nouja, geniet julle dag.   Hoop alles loop reg vir almal.

Baie goeie nuus Stoffel.    Ek is bly die worry daaroor is nou verby vir julle.

Dit is goeie nuus, sterkte.

Dankie Freda, het darem so effens ingehaal met die rus.

Stoffel, ons is saam met julle baie dankbaar vir die goeie nuus.

Dusty, ek is ook bly om die goeie nuus te hoor.   Soos Voortrekker gesê het, die klein goedjies is tawwe tienies. 

Stoffel, dit is goeie nuus, sterkte vir die kleinding vorentoe.?

Anton

Dit is Walker Bay spices en Froggit produkte.

Ek mag dit egter NIE noord van Meyerton verkoop nie asook  ook nie Potch en Klerksdorp nie. Maar wel Heidelberg. Daar is n ander agent wat daai areas doen.

Ons sal maar kyk of ons (Yvonne) die projek kan maak werk.

Dink die naam Froggit het haar seker getrek. Sal seker nou Froggy moet her doop na Froggit, He He

Sterkte Harry.

Goeie more mense, hier vanuit die staar siekte hoofkwartier, sit nou met 'n ma se beker tee en growwe beskuit,lekker.

Dit is Vrydag, julle moet, wanneer julle wakker word, julle dag geniet.? 

More Johann. en al die ander wat ook nog gaan kom koffie dring.

Ek het ook die staarsiekte. maar ek gaan maar die tyd produktief gebruik en begin werk.  

Mooi dag vir almal.  gaan groot en geniet die naweek wat voorlê.  

More more almal.

Gelukkig is dit vrydag.

Goeiemore, al die vroegopstaners en laatslapers.   

Ek sluip maar stilletjies hier in my huis rond vanoggend, want soos ek gister genoem het, ons het 'n kuiergas.   Ek moet ook vroeg my dinge doen vanoggend, ons gaan na 'n begrafnis in Jeffreys  en moet al voor 9.00 ry.

Geniet julle dag, dit is mos naweek!