Afriforum en Spur

Ek moet eerlik wees, ek sal nie gaan toi-toi nie.   Nie dat ek daarteen is as dit vreedsaam gedoen word nie, dit is net nie iets wat ek wil doen nie.   Ek sal wys ek is teen die boikot van alle Spurs deur dit openlik te erken en ook nog steeds daar te gaan eet.  As genoeg mense dit doen, sal dit die boodskap oordra.   Ons het nou die dag by die Spur in Plett gaan middagete eet.   Daar was heelwat kliënte, dit was nogal besig.

Ek het ook deelgeneem aan die vorige bespreking en my standpunt was en is nog steeds dat dit onbillik is om landwyd onafhanklike Spur eienaars te straf oor 'n enkele gebeurtenis by een restourant en Spur hoofkantoor se hantering van die geval.  My standpunt het niks met ras te make nie, net bloot die onregverdige optrede teen alle Spur eienaars.

Ek is ook geen voorstaander van enige vorm van "betoog" nie, vir my is gewone onderhandeling die enigste vorm van konflikoplossing en as dit nie geslaagd is nie, dan 'n oplossing deur die howe.

Bo-en-behalwe die CEO van Spur se aanvanklike swak hantering van die aangeleentheid, het Dirk Hermann van Solidariteit se "ope briewe" aan Spur ook maar lekker geboemerang toe hy op 'n laat stadium agterkom baie van Spur se werknemers is vakbondlede van Solidariteit en mag nou dalk hul werk verloor as gevolg van die boikot.  Sy terugkrabbel dat hy net sy lus om by Spur te gaan eet verloor het en nooit 'n boikot voorgestaan het nie, was maar flou ! Dink hy nou wragtag ons is almal stupid ?  Kallie Kriel van Afri-Forum het nou ook op die "band waggon" gespring en wil nou kwansuis nie deelneem aan die ondersoek-komitee oor die aangeleentheid nie omdat die paneelvoorsitter kwansuis bevooroordeeld teenoor die Afrikaner is !

(Tussen hakkies, Spur is een van die hoofborge van die Springbokke  -  daarteen sal Hermann & Kie seker nie beswaar hê nie !)

Die hele Spur-boikot storie en die nadraai nou, bly vir my 'n groot grap !

Sal nogsteeds nie daar gaan eet nie!

Niks teen die wat soontoe wil gaan nie, elkeen maak en spandeer hulle geld waar hul wil.

Ek eet maar min daar. Te duur. Braaivleis op kampkole is lekkerder. !!!

Ons het heelwat beter restourante hier in die Oos-Rand waar ek my peanuts plant.

Ek het n mooi brief vir hulle gekryf, met baie vrae.

Het hulle nie sleg gemaak of iets slegs van hulle kos en diens gesê nie. Het hulle tot geprys op sekere gebiede.

Wou net antwoorde as n ou klant by hulle kry, wat moontlik my terugkeer na hulle sou kon bevorder.

Hulle stuur toe vir my n "link" waar hulle gepraat het met solidareit. Met ander woorde dit was n "auto reply" en hulle het dus nie my brief gelees nie. Ek behoort nie aan solidariteit nie.

Het weer vir hulle geskryf en gevra of hulle wel my brief gelees het. GEEN ANTWOORD NIE.

So F...... hulle.

Eet nogsteeds nie daar nie en dit is nie oor hulle kos nie. Hulle het my in n "boks" geplaas toe hulle sê dit is die ou KP party Afrikaners wat hulle boikot, wie gee hulle die reg ?? Hulle het mos nog die ander partye oor wat hulle kan ondersteun en wel doen. Verander net hulle menu so bietjie om meer partye te lok.

Ek het my deel vir hulle gedoen. 2 maal per week daar geeet' Ek is bang hulle verban my as ek per ongeluk "poep" in hulle toilette.

Vir my part kan hulle maar almal sluit, maak nie saak wie of wat die eienaars is nie. Hulle is te bang vir hulle CEO en top bestuur.

Net my opinie

Ag wat, die bohaai sal oorwaai en alle Spur restourante sal weer lekker bedrywig raak soos van ouds !  Laat my dink aan 'n paar jaar gelede toe die destydse Adjunk CEO van Absa ('n plein gewone Afrikanerseun) as hoofborg van SA Rugby aan Origan Hoskins genoem het dat rugby op provinsiale vlak in sekere provinsies nie na behore transformeer in lyn met die Regering se beleid nie, was die gort gaar.  Afriforum en Solidariteit het dadelik hulle bankrekeninge by Absa gesluit en wat het dit hulle in die sak gebring ?  -  absoluut bogger-all en die herrie het lankal oorgewaai terwyl Absa van krag tot krag gaan !

Ek boikot die Spur, maar doen dit nou al vir jare, ek is uit geeet aan die roetine menu, al wat wissel is die pryse.

Feit van die saak is, al is dit jammer dat onskuldige eienaars ook seer gekry het, die boodskap is oor gedra.

In oorloë, kom meer onskuldige mense as soldate om,  en net omdat twee staats hoofde nie self hul verskille met mekaar kan uit donner nie, verskoon die woord, maar dit is tog waaroor dit gaan.

Nou haal die verlede vir ABSA in.

Hulle soek nou baie geld vir die glo "uithelp".

Ons plaaslike SPUR is vrek stil, teenoor die verlede.

Sien nie veel "kinders" in die pret park. Dalk is die ouers oor versigtig vir "bully's" wat SPUR seker nie kan keer nie. Baie minder ou motors wat daar staan. Net grand motors

Dalk waai alles oor en dinge tel op. Maar ek het gelukkig n keuse waar ek wil eet. Waar ek nie met n bord kos voor my sit en gedagtes my eetlus benaadeel nie.

Was nog altyd happy met hulle kos. Die rede vir die 2 keer n week eet daar. Maar die haat daar maak my bang. 

Harry, ek respekteer jou besluit om te eet waar jy wil en waar jy jou ete sal geniet, niks fout daarmee nie.

Help my asb 'n bietjie wat jy bedoel met "die verlede haal ABSA in - hulle soek baie geld vir die glo "uithelp".  (Ek  glo nie jou bedoeling het iets te make nie met ABSA se aankondiging verlede week dat Barclays van Londen nou uiteindelik hul beherende belang in ABSA vekoop het, maar indien wel, sal ek graag iets daaroor wil sê).

Daar word weer gekaring aan die feitbdat die ou regering ABSA uitgehelp het met geld, wat "hulle" voel nou terug betaal moet word.

Ek kyk glad nie nuus nie, want dit maak my negatief.

tel nou en dan iets op.

Dalk is hier mense wat meer sal weet van die storie. Het Riaan Crywagen se program gesien en die nuwe "protector" hat daarvan gepraat. Ek bank nie daar nie, so ek slaan nie veel ag daar op nie.

Great Harry, dan reageer ek ook sommer daarop :-

Die kort en die lank van die storie is dat Bankorp (Trust Bank was in hierdie stal) in finansiële moeilikheid was in die tagtiger jare.  Die SARB onder leiding van die President destyds, dr Chris Stals het 'n reddingsboei in die vorm van 'n lening teen 'n baie lae koers aan Bankorp toegestaan om te keer dat dit tesame me kliënte vertoue in duie stort. Dit was alles nog lank voor ABSA se bestaan !  In latere jare het Volkskas, United en Allied ABSA Bank gevorm en daarna Bankorp oorgeneem en alle skulde betaal.  Dit is later deur Regter Dennis Davis se Kommissie van Ondersoek bevestig.

ABSA neem nou die OB hof toe omdat die OB geen regsgronde het vir haar populistiese aanbeveling dat ABSA 'n enorme bedrag moet terugbetaal nie.  Die kanse is uiters groot dat sy met 'n eier in haar gesig gaan sit.  Hou gerus dop hoe dit in die howe gaan uitspeel  -  die verlede gaan ABSA beslis nie op hierdie gebied inhaal nie !

Arie, daai selfde padstal waarvan jy praat verkoop n vetkoek met mince groot genoeg vir 2 grootmense, ja nee kyk, ou Peet se chefs kan maar!!

So gepraat van spesiale eetplekke, ons eet net uit as gesin op spesiale geleenthede, soos verjaardsdae en spesiale mylpale wat die kinders aan betref.

Op sulke geleenthede gaan ons groot en traai altyd n goeie eetplek uit. Ons sal deur die week as ons nou gatvol gekosmaak is, pizzas kry of Chinese, maar ons beperk dit weens gesond eet.

Waat die Spur aan betref, hulle kan loop vlieg agv hulle houding, ons sal wat franchise eetplekke anbetref vir sit en eet die Wimpy altyd ondersteun veral op pad na vakansie ens en dan ook net vir ontbyt.

Spur kan nie moan nie, hulle het mos baie ander etniese ondersteuners en nodig nie regtig ond derderangse aalmoese nie.

Baie dankie Len vir die verduideliking. Nou weet ek ook hoe die hef in die vurk steek. As oud-bankier myself het ek nogal gewonder wat die werklike storie was.

Wat ABSA aanbetref, file net n spesiale pleit in die alternatief vir verjaring.