Kuns aas see hengel

Môre Jan, ek bly baie vêr van die see, of enige groot dam. Ek glo hier sal iemand kommentaar kan lewer wat wel see hengel. Dit klink baie interesant, nie gedink mens kan by die see vang met kunsaas nie?

Ek was 'n ywerige hengelaar. Deesdae slegs so eenkeer per jaar met ons jaarlikse Hentiesbaai-trip. Ekself is nie vertroud met kunsaas nie, maar my seun (wat 'n "groot" hengelaar is), gebruik soms kunsaas. Sy beste resultate word nog steeds met konvensionele aas bereik - met die uitsondering van snoek wat soms sommer aan 'n kaal hoek ook byt (dit is nou as die snoek dik loop). Dan werk 'n bokstang amper beter as gewone aas.

Jan die ouens by die kus gebruik so silwer lepel die werk blykbaar goed vra by jou naaste hengelwinkel vir die silver lepel geniet die visvang

Ek kan nie meer onthou watter vis my man gevang het deur gebruik te maak van kunsaas saam met sy gewone aas.   Dit was net vir 'n sekere vis.   Die kunsaas se funksie was om die vis te lok maar dan vreet hy aan die gewone aas aan die hoek.   Verder het hy gladnie geglo in kunsaas nie.  Hy het ook nie sommer aas gekoop nie, altyd sy eie aas gaan haal, vanaf die rotse, onder die seesand uitgekrap of prawns gepomp.   Hoe stinker die rooiaas was, hoe beter (vir hom, nie vir my nie!!).

Gelukkig het ek toestemming om by die huis te drink  

Ek het nog nooit in die see eers probeer vis vang nie, nevermind met kuns aas.  Ek kom dan nie eers behoorlik reg in 'n dam met baaaaiiiieeee minder water in, hoe gaan ek regkom in die see?

Hoekom ek van kuns aas hou, is dat die vis nie speel met die aas soos in gewone aas nie

Jy't 'n punt beet. Die kleintjies wat jou aas voortdurend afvreet kan nogal 'n "nuisance" wees. In ons familie het ons altyd na die klein vissies wat jou aas afvreet verwys as "kopstuipe". My oupa het gesê dit voel soos iets wat stuipe in die kop het. As ek dus vir my broer of pa sou vra, indien hulle voor my in die water is met hul aas, en hulle antwoord: "net kopstuipe", weet ek die kleintjies is weer lastig.

Dan was my broer gewoonlik nuuskierig om vas te stel watter vissies is verantwoordelik vir die kopstuipe. Hy't dan meestal kleiner hoekies aangesit. As dit kleinerige witsteenbrassies of galjoentjies was, het ons maar voortgegaan met hengel en gewag vir die groteres wat dalk die kleintjies kom wegjaag. Maar as dit strepies (of soos ons hulle genoem het: "mooinooientjies") was, het ons maar opgepak en 'n ander plek gaan soek . Ons ervaring was dat laasgenoemde se skole gewoonlik só groot is dat ander visse nie geleentheid kry om by jou aas uit te kom nie. 

Wat ek van see vis vag gehou het is toe ek diepsee van die boot af bottoms gevang het.  Jy werk met daai groot 10" katrol

Wat ek van see visvang weet is gevaarlik - so ek gaan nie advies gee nie 

Ek het ook saam met vriende by meer en see (Richardsbaai) bottoms gevang. Dit was my eerste keer en het gevra dat hulle my moet wys hoe dit werk. Later het hulle my gevra om my stok op te trek sodat hulle ook n beurt kan kry. Al die vis het by my gebyt. Dit was op die eerste dag gewees.