WilSur De Rust Saamkamp - 27-29 Mei 2022

Dit klink lekker.   Ek moet nou eers gaan kyk waar is De Rust      Hoop nie dit is koud daar nie 

Dit is naby aan zaagkuilsdrift

Môre vriende

Die inligting is verwarrend. Is die woonwapark naby Zaagkuilsdrift, of binne die groter Dinokeng, buite Brits of by Nylstroom.

Vir Willem Josef lyk dit dalk naby want hy is so vêr

Hello Anton

Baie dankie, dit is nou 100% duidelik waar die woonwapark is.  

Môre vriende

Ek het nounet na die video's op Maroela medie gekyk. Die plek het gisteroggend totaal weggespoel. 

Len: Gaan kyk hoe dryf 'n Exclusive weg in vloedwater.

Dit wil voorkom of Pretoria en die ooste dele Baie reen gehad het laas Vrydagnag.

....ja ek het gesien 'n Exclusve dryf weg in die stormwater.  Die Kavangos wat daar was het seker onder die water verdwyn.

Grappies op 'n stokkie, die verspoelings oral daarbo is darem baie erg !

Middag vriende

Ek sit en dink hoe maklik oorval so iets mens. Ons sleep by die mooi oorde in, en gaan staan op die lower groen gras, neffens die ou kabellende stroompie. Dan in 'n oogwink word daai ou stroompie 'n siedende watermassa. 

Dit sit altyd in my agterkop as ek by Swadini-oord insleep. Idillies mooi langs die rivier, want die dam hou mos alles mooi in toom. Hopenlik sal waterwese/dambestuur sekerlik die oord inlig as sluise "beheerd" oopgemaak word.

Wonder of die frats vloed Zaagskuilsdrift ook bereik het.  

Wil eers vir Wessel se dat ek amper gedink het jy maak ook spelfoute, jou "frats". Maar toe ek vir ouma vra se sy "frats" is reg. lang f en nie n kort v nie.  So gepraat, tussen jou en Chris gif en Len het ons goeie leermeesters. Nie dat die ander sleg spel nie, maar die uiteensetting van insette is puik. Wou skryf "joernalistieke geletterdheid" maar die spelling ontbreek neef.

Die naaste wat ons aan so wegspoel was, was destyds met sikloon Demoina. Ons het, dank die vader in n houthuisie vakansie gehou by Mapelane, net suid van St Lucia. Dink dit was 1984 rond. Dit het n asblik vol op n dag gereen, maw meer as 1m per 24uur. Die kampeerterrein was 2m onder water, ons toeganspad was weg, soos in afgronde af die rivier in. Twee weke daar vasgekeer , het kos en water per helikopter ontvang. Het n pad gebou kuslangs en so uitgery, twee Landys 1 Toyota en n Suzuki.  Die padkarre het daar opgeroes, en meer as n jaar later was die pad weer herstel na die kamp. Wat n avontuur was die gewees.

.....was dan sekerlik 'n Afrikaanse juffer van beroep. Jy maak my nou benoud, maar op my ouderdom maak ek staat op 'n woord se voorkoms[vertoon], eerder as proeflees. As die woord niereg lyk nie, sleep ek maar ou getroue HAT nader.

Ek en beterhelfte speel baie die woord-bordspel, en dit help nogal met spelling.

Middag vriende

Ek sien nog geen opvolg nuus oor die oord na die oorstroming nie.

Wonder wat die skade is, en wat het oorgebly.

Volgens hulle facebook blad nooi hul al mense uit om eerskomende naweek te kom kamp. Dink nie hul geboue is beskadig nie.....is bietjie hoër op. 

..... my beplande Kruger vakansie wat op 2de Junie begin.

Ek sal dit ongelukkig moet mis.