Wildehont se nuwe ou Ranger

Dalk is dit turbo lag wat ook ‘n rol speel. Natuurlik is die Ranger ‘n diesel, maar die Prado het nie ‘n turbo nie. 

Dit is 'n gegewe dat die "throttle response" beter sal wees. Dit is 'n 4L ses silinder "normally aspirated" masjien. Die wringkrag van die bakkie behoort die sleep van die karavaan beter te maak. Ek weet nie of die dieselverbruik beter sal wees nie. Sover my wete, is die 3.2 nie so lig op diesel nie. 

.....Hilux verloor in beenspasie agter, maak dit op met dieselverbruik

Chris, die dieselverbuik wat jy moet klop tussen Dwarswegstrand en Worcester is 9km/l met die Kavango,  en spoedbeheer op 98km/hr GPs. 

Onthou net, jy wil nie "sprint" van robot tot robot nie, jy wil heerlik bult op en af "cruise" met 'n woonwa op sleeptou, en met lekker baie pakplek vir kampgoete. Anders moet jy 'n Ford Mustang v8 aanskaf.

....sal onthou daarvan. Ek begin gewoonlik met gewone karpolitoer.

Chris, as ek StephanS se inset lees, kan jy dalk 'n goeie verbruik verwag. As jy tssen 9 en 11km/l met 'n Regal kon kry, behoort jy ook daar rond te kry. 

Vra hom sy geheim

Gebruik Cruise Control afdraand en plat pad so op 105-110km per uur in gewone auto.

As die opdraand kom, Sport mode en kies maar die rat volgens revolusie

Baie ligte regter voet 🫡

Wessel dis maar my algemene sleep patroon, selfs nou met die Everest

Stephan, dis dalk waar ek nog fouteer. Ek sleep platpad en opdraendes met spoedbeheer. Ek kies 98km/hr GPS om nie 00r 3000rpm te gaan nie.

Dalk moet ek ook eerder met opdraendes my spoed laat sak om binne wringkrag kurwe te bly. Hilux 2.4 se wringkrag is 400Nm tot by 2200rpm, en by 3000rpm is dit net 340Nm.

Ek vermoed dat my spoed dan effe aan stadige kant gaan wees.

Chris, maak net seker volgens my info is rat 5 en 6 snelratte vir jou model, met 'n baie sterk verhouding in 4de.

Die nuwer modelle [2.2 reeks] was die 5de rat nie 'n snelrat nie. 

Teen Van Reenenspas op het ek gewoonlik tussen 4de en 5de rat gewissel

Die Ranger se 6 spoed ratkas is gebaseer op 'n ZF ontwerp en word onder lisensie deur Ford vervaardig, Ranger gebruik die 6R80 variant (6 ratte en maks wringkeag inset van 800Nm, ook basies dieselfde eenheid wat in die Mustang gebruik word maar die is effe versterk en kan 1000Nm hanteer) Die 3.2 enjin se uitset wringkrag van 470Nm is gemaklik binne die ontwerp spesifikasie van die ratkas (terloops die 4de rat is die naaste aan 'n 1:1 verhouding, 5de en 6de is effektief "overdrives" - waar my 2.8 Jeep Cherokee en die Territory mens toelaat om die "overdrive" af te skakel met 'n skakelaar laat die 3.2 Ranger dit nie toe nie,Ford beveel aan dat in Sport mode gesleep word wat basies die ratte langer in 'n rat hou voordat dit oorskakel (basies dieselfde effek deur die ratkas vinniger te laat reageer op bv. opdraandes - ek vind dit werk baie goed teen bv Van Reenens Pas asook daai steil opdraande by Pietrmaritzburg - as die ratkas na my mening nie vinnig genoeg reageer nie vat dit net so 'n vinnige pompie op die versneller (nee, nie daai soort pompie waaraan julle nou dink nie!) om dit te laat reageer. Ek sleep nie graag met "cruise control" nie...

In praktyk vind ek die ratkas met die Fleetline gehaak hou meestal self in 5de en reageer blitsvinnig deur na 4de te skakel as mens 'n opdraande ervaar. Nog nooit nodig gevind om met die hand terug te skakel nie, los dit vir die ratkas se rekenaar.

Hier staan tans ses karre voor in ons erf, en net drie daarvan is myne. Ek het vanoggend ‘n uur lank geskuur aan ‘n pot wat skoonsus laat aanbrand het. My duim is seer. 

Die frustrasie vlakke bereik nou breekpunt. Jou spasie is jou spasie en as daar ingemeng word is dit nie aangenaam nie.

Sterkte met die kappie se takie wat jy gaan aanpak.

Ek kan dink dat jy uitsien na hierdie alleen wegbreek saam jou onmiddelike familie. 

My vorige (gesteelde) Ranger het 'n ingevoerde kappie (uit Thailand dink ek) gehad wat nogals fensie was, o.a. was sy slotte gekoppel aan die bakkie se sentrale sluitstelsel en so ook sy binneligte (2x). Die gedoente se dak het ook 'n properse dak "lining" gehad. Aanvanklik gedink dis te grênd vir woorde totdat die praktiese implikasie begin sigbaar word het. Dis nou maar so dat mens 'n bakkie se bak gedeelte behoorlik gebruik...die dak "lining" moes met groot versigtigheid hanteer word aangesien kamp goete baie keer skerp hoeke het wat die "lining" kan beskadig. Die huidige Ranger se kappie is baie meer robuust en bedoel om gebruik te word. Punt is, as jy die isolasie borde monteer doen dit so dat dit maklik vervang kan word indien kamp goete die borde beskadig, maw wees maar lig met die gom (ek neem aan jy gaan die borde net vasplak Chris?). Ek het nie gebodder met isolasie met die huidige kappie nie, maar dan is die wit en ek het ook nie klein kinders wat agterin saamry nie

werk perfek vir tuinvullis en boomtakke ook. 

My kappie het nou nie eers meer venster wat gekrap kan word nie.

Sterkte met die plakkery, hoop jy werk onderdak

Om die 3.2 Ranger se brandstof verbruik bietjie in konteks te plaas  wys my dogter my gister die verbruik van haar Suzuki Ignis wat sy nuut in April aangeskaf het. Alhoewel slegs 'n 1.2l enjin is die gedoente se werkverrigting nogal goed en het al wat liggie, klokkie en vertooneenheid is....Suzi drink 'n hele 17km/l (volgens die rekenaar) ....genoeg om my 3.2 sulke vuil kyke te gee van my kant af! En dan is Suzi se klimaatbeheer boonop voltyds aan. Wonder hoe Suzi my Fleetline sal sleep....