Willem, ek raai dis Johann Lock wat weer begin inloer.  Op die ouer insette verwys Unknown dikwels na sy Penta en antwoorde van verskeie ouens spreek hom aan as "Johann" met twee n'e.

Iemand wat voorheen hier was en padgegee het? Dink as jy "bedank" word jou handvatsel outomaties verander na "Unknown", oftewel man/vrou sonder naam, amper soos in BZN, Band Zonder Naam

Ek dink my raai is in die kol.  Met 'n bietjie speurwerk kom jy af op die draad "Vriendelike debatvoering" wat destyds deur Johann begin is.  Deesdae staan daar Unknown Sasol om ons te mislei, maar dis natuurlik Sasolburg !

Uitstekende speur vernif, dit is ek, Johann Lock, en ek lees sou dan en wan hier, maar die lis vir deelname ontbreek nog totaal en al. Teveel politieke snert en geen kamp verwante gesprekke.

En o ja, ek het my rekening delete, maar iemand het onlangs vir my 'n e-pos gestuur om my rekening te aktiveer, wat ek toe gedoen het. Maar kan nie my naam op die forum verander (herstel) nie.

Welkom terug hier by ons, al loer jy ook net in soos ekke. Kamp bly maar n lekker klomp mense. 

Môre Johann

Bly jy is nog deel van ons. Ek sien jy kla oor " te min kamp verwante gesprekke". 

Dan moet jy mos gaan kampeer, en verslag doen.  Ek vermoed ons almal is hartlik g...vol om so effe aan bande gelê te wees. Hopenlik gedurende Desember en Januarie gaan die kampeer insette vermeerder. 

Waar gaan julle die seisoen kampeer.?

Goeiedag Unknown.   Welkom by Kampforum  

Kyk as jy kans kry of jy jou forum naam kan verander?   Ek het verstellings gemaak.

Goeie môre Kampmaters, insluitend Johann.

Ek is baie trots op my herwonne speurvernuf  -  in my bankdae jare gelede was bedrog, vervalsings, diefstal en bankrowe deel van die portefeulje wat ek bestuur het.  Het sommer soms selfs ingespring om ouens en ouhinne aan die pen te laat ry.  Miskien moet ek my dienste by die Valke gaan aanbied want ek sien adv Shamila Batohi van die NVG sukkel maar met deeglike ondersoekwerk deur die Valke.

Te min kampverwante gesprekke :  Dit is natuurlik 'n feit omdat weens verskeie realiteite kamp ons almal heelwat minder en sal die gesprekke hieroor krimp.  Maar vriendskappe behoort nie noodwendig oor hierdie gebrek verbreek te word nie en soos wat vriende maar maak, begin dan maar geselsies aanknoop oor die dinge waaroor ons almal deesdae om kampvure (al is dit by die huis) praat soos politieke gebeure, finansies, Covid-19 en les bes, inenting of selfs die Ford / Toyota sage.  Of 'n ou daarvan hou of nie, dis prominente gebeure in die land wat 'n besliste invloed op ons kampering het, waaroor gepraat word en wat ons lewens (insluitend kampering) beïnvloed.  Hoekom sal ons as vrinne nou kwaad wees as ons daaroor wil praat ?

Dagse aan almal, van die speurders tot stoepsitters. Ouma se gisteraand, ons gaan nou begin muf van al die nattigheid, en... die peste en plae gaan floreer. Kan al klaar sien hoe slaan die roes op die groente uit, en Wildehont se spinnekoppe teel aan by die miljoene.

Met die onlangse wynkooptrippie n ou fiets saamgebring wat in suster se tuin gestaan het. Karring al jare aan haar vir die fiets, maar wou niks weet nie. Wel toe maak ek haar n mooi kopstuk, vir dubbelbed, van rommel wat sy hier aangebring het, en toe gee sy in. Die fiets blyk hier uit die 30s te kom met die meganiese remme.  Het so met die nat weer dit uitmekaar gehaal, en gaan net poleer en die laers etc weer smeer. Moet oorspronklik en gebruik lyk.

'n Tipiese vroumens-fiets toe 'n meisiekind nog betaamlik 'n fiets bestyg het.  Deesdae se meisies gooi sommer been oor die saal, alhoewel hierdie fiets se saal 'n bietjie hoog sit !

Neef jy moet inskryf vir die Cape Argus Cycle Tour -  Jy en op daardie fiets sal koppe laat draai 

Dankie Anton, ek het reg gekom.

My proleem is nie so seer die gebrek aan kamp verwante onderwerpe nie, ek kamp elke maand. My lis is geblis vir al die persoonlike aanvalle op anti-vaxers en vaxers. Kom ons laat die son skyn oor elkeen se kop en respekteer elkeen se besluit.

My vrou het ook intussen laat ent, ek het haar nooit ooit probeer oortuig hoe "dwaas of wys" sy was en of sy nou is nie. DIT WAS HAAR BESLUIT!

Andersins, was ek verkeerdelik, dalk, ook onsteld oor die teen my geloof aanvalle, maar het besluit dat ek nooit weer hier op die forum daaroor sal praat nie. 

Goeie môre almal, geniet die dag ten volle. Die wat kamp, of in ander akkomodasie by oa Hartenbos rond hang, geniet dit ook. 

.... Johann. Ek deel van jou sentimente waarom jy tydelik onttrek het. Ek het ookal só gevoel by geleentheid. Dan mis ek later die ou klomp donners wat my so vies maak sóveel dat ek maar weer terugsluip.

Dankie vir die positiewe insette, dit word waardeer 

Willem, ek glo daai opgewondenheid is al erg daar in Daspoort, veral met al die teenspoed wat julle ervaar het die af gelope tyd, sterkte en gaan geniet die weg koms vol uit, julle verdien dit.