Ons driehoek-toer

... ek sien die bankgebou en die huis in Kerkstraat in my geestesoog. Die bank was in my kinderdae aanvanklik die Bolandse Eksekuteurskamer wat later Boland Bank, toe Boland PKS en uiteindelik deel van Nedbank geword het.

Ekself het vir sowat twee jaar tydens my laerskooljare in Kerkstraat gewoon - pastoriekant van Monbijou, die enigste dubbelverdieping in Kerkstraat. Dit was egter voor die aardbewing en die restourasie van Kerkstraat. My ouers het die huis gehuur voordat hul die huis van my laaste Tulbagh-jare teen die bult, op pad Wolseley toe, gekoop het.

Paddagang se huis was een van my speelplekke. Een van my groot maats, Herman Louw, het daar gewoon. Paddagang is ook eers na die aardbewing deur KWV as een van die organisasie se sogenaamde taphuis/restaurante omskep. 

Ek't nie geweet dat jy en Martie het ook 'n bietjie "Tulbagh-ervaring" nie. 

'n Bietjie (vir sommiges nuttelose) inligting. Ek het volgemaak met diesel in Caledon op die dag wat ons vertrek het en weer daar volgemaak met ons terugkeer. Die koöp se diesel is aansienlik goedkoper as hier en dit is slegs 0ngeveer 40 km van ons af tot Caledon.

My brandstofverbruik tussen die twee genoemde kere wat ek volgemaak het, het uitgewerk op 11,67 km/liter, oftewel 8,57 l/100 km. Ons het 'n totale afstand van 2 547 km (uit en tuis) afgelê.

Daardie huis was aanvanklik oom Pieter Spes Bona (Pieter Theron van die laas Spes Bona) s'n. Hy't dit laat bou toe hy aftree en dorp toe trek. Sy seun, Pierre, het toe aangegaan met die boerdery en dit is waarskynlik hy wat die huis aan julle verhuur het na sy ouers se dood.

My ouerhuis was ook teen daardie einste bult maar laer af, aan die regterkant. Soos wat jy Tulbagh-Weg (stasie) toe draai, net nadat jy deur die duik gery na Tarzan skoenfabriek, was dit die tweede huis van die hoek af. Op daardie hoek woon 'n ou skoolmaat van my (Pierre Carstens) wie se seun, skoondogter en twee kleinseuns tragies doodgebrand het in die brand van twee jaar gelede in die Kalahari. Pierre was sekerlik in julle tyd gesondheidsinspekteur by die munisipaliteit.

... daardie etikette met die onderskeie paddaname is deur die nuwe eienaars, 'n klompie Tulbaghiete, begin nadat hulle oorgeneem het by die KWV. Na my mening was dit 'n baie oorspronklike idee. Ekself het slegs een keer in Paddagang geëet - nog in die dae van KWV. Ek het maar net gehoor van die paddaname op die wynetikette. Daar was (of iz) ook o.a. 'n "Platanna".

Met die eerste SA "Big Brother" kon die deelnemers elk twee bottels wyn saamneem. Ferdinand Rabie, die uiteindelike wenner, het mos toe twee van daardie groot bottels saamgeneem, want volgens hom het die organiseerders nie uitgestippel hoé groot die bottels mag wees nie.

Of dit nou op hierdie gesprekslyn - maak nie saak nie. Dit is lekker om bietjie oor my grootworddorp te gesels