Willem se Territory ST

Middag Chris S

Nou moet ek darem eers weer roer. Kyk mooi na watter voertuig moontlik daai mal prys kan haal. Daar is versamelaars met diep sakke, en dan normale ouens wat realisties dink oor geldmors. Ek koop eerder 2 nuwe middelklas Hiluxe vir daai geld. 

Middag Willem

Ek het dieselfde werk laat doen by Autohouse in Brits. Hulle het seker maar die onderdele vanaf FordSA bekom.

Kort daarna met die sluiting van die fabriek in Australie het ek kleinkoppie getrek, en maar die "knock" gevat en myne ingeruil op my Hilux. 

Jou groot probleem gaan ook wees, die inruilprys wat baie vrot is. As jy dit nie aan 'n versamelaar of fanatikus kan verkoop nie, moenie baie verwag nie. Ek het Nov 2016 maar kR60 gekry met die inruil van my 2010 AWD Ghia. Hoe langer jy uitstel, hoe minder gaan jy kry.

Sonder om te weet hoe jou finansies lyk, en wat dit toelaat, het jy 2 opsies;

1] hou jou geld op belegging, en ry die Ford grond toe, met die rente opbrengs

2] soek 'n plaasvervanger in terme van sleepvermoë, dalk effe stadiger, en koop nou iets betroubaar en waarvan onderdele plaaslik beskikbaar is, en sal wees. Ten minste gaan jy met deesdae se turbo-diesels net veel beter doen wat brandstof aanbetref. 

Lekker somme maak en rondkyk in die mark, begin sommer by Gys Pitzer motors 

Effe tong innie kies Wessel, dink nie twee Hilux trokkies gaan so lank hou soos daai een Cressida nie? 

Hello Grootwind

Jy mag heeltemal reg wees, ek sou eintlik die 2.8 of 3.0 sessilinder Cressida wou hê

Bly vir jou!

Môre Willem

Ek het ook toeka myne se katalisator laat uithaal. Myne het net 1 pyp vanaf die spruitstuk gehad, dus net katalisator. Ek kan nie meer onthou of de Graaff 'n ekstra demper in die plek gesit het nie.

Jy sal vind jou kar het meer woema, sy neus is nou oop. As jy agter die woema gaan aanry, gaan dit nie ligter op petrol wees nie. Hou maar die regtervoet rustig

My Pathfinder het op 90 000km swart rook uitgeblaas as ek vet gee.  Die Nissan agente sê toe ek moet die katalisator laat uithaal (as agente mag hulle dit nie die doen nie) wat ek toe by 'n uitlaatplek laat doen het en.............weg is die swart rook !

Middag Willem

Jammer om te hoor van die geluid. Tog kan jy baie dankbaar wees, julle het die huis sonder teenspoed gehaal.

Ai Willem, dit is nou sleg. Die turbo se bearing loop in bussies wat permanent onder oliedruk is. Sodra dit begin slyt, sal jy dit agterkom op olieverbruik. Ek het al 2 op my landrover vervang, maar nooit geluide gehoor nie. Kyk na jou belt tensioner pulley. Weet dit maak nie sin met enjin toere nie, kan nie dink wat stadiger as enjin revs opel nie, viscous coupling op waaier?

Voorspoed my ou maat, mag die toekoms sonder die twakkies wees.

nee dit is steeds daar maar met verder klink dit my dit begin erger raak bo 2,000rpm. 

Môre Willem, hoop regtig nie dit is die turbo nie. Die aanhaling hierbo dui egter daarop dat dit wel die geval is, aangesien dit die begin van die turbo "boost" RPM's kan wees.

Môre Willem

Jammer om te lees van jou turbo probleem. Kan die plekke waar jy was nie vir jou verwys na 'n goeie turbo-plek nie?

Hoeveel kilo's het jou Ford nou agter die rug. My maag het sommer so 'n draai gemaak, want hopenlik kry ek my 1ste turbo diesel voertuig so binne 3 weke.  

My eerste diesel-turbo voertuig was 'n 2006 Nissan Pathfonder wat ek nuut gekoop het.  Op 140000km het ek my verbeel ek hoor 'n sagte fluit geluit en gevolglik het turbo-bangmaakstories my genoop om Dupdiesel, 'n Bosch-diesel franchise, ter vra om te kyk.  Op die oog af sê hulle daar is niks fout nie, maar ek het daarop aangedring dat hulle oopmaak en kyk.  Op die P/F is dit 'n helse werk wannt die linker-voor-suspense moet feitlik heeltemal verwyder word om by die turbo uit te kom.  Lang storie kort : absoluut niks fout met die turbo nie !  Terwyl alles nou oop was, het hulle tog maar die "bearings" vervang.

Op ontvangs van my huidige P/F in 2013, hoor ek wraggies dieselfde, effense gefluit wat naderhand verdwyn.  Tans op 115 000km en geen probleem nie.

Willem, my voorstel : op jou Ford se kilometers, laat maar eerder die turbo oordoen, maar dit gaan 'n hele paar Rand kos  -  my koste was in 2012 R8000, maar dit was 'n spesiale prys deur 'n vriend van my seun.

Dink jy kan maar vir jou maag sê om te kalmeer Wessel! As jy na die turbo kyk sal hy ook na jou kyk. Ongeag wat die agente mens vertel bly dit goeie praktyk om die voertuig 'n paar minute te laat luier voordat jy dit afsit, veral as hy pas hard moes werk, snelweg of sleep. Daai turbo werk baie hard onder slegte toestande, sowat 15o 000 opm partymaal, hoë temperatuur en so aan. as jy die enjin dan skielik afsit is alle smering (wat ook as verkoeling dien) na die turbo se laers ook weg...mens kan maklik jou indink wat uiteindelik gaan gebeur. Maar bygesê, alles wat mensgemaak is breek ook een of ander tyd, party vroeër, ander later...Ek ry ook die laaste end na ek hard gery het baie kalm, dit help om die outjie af te koel en ook sy opm's kans te gee om te kalmeer! Selfs dan laat ek die enjin nog sowat 2-3 minute luier voor ek af sit. Ek dink Willem se ST se  turbo is maar net een van daai dinge wat gebeur? Minstens klink dit nie of daar stukke "debris" af is na die enjin toe nie?

Toe ek net voor my aftrede in Angola grwerk het, het my werkgewer vir my 'n Ssangyong gegee om mee te ry.  Dit was ook 'n diesel model en as jy hom sou afskakel, dan stop die enjin nie dadelik nie en loop vir nog so 'n minuut voor hy self afskakel.  Ek het gedink dis nogal 'n oulike manier om jou te dwing dat die turbo eers afkoel.

Môre vriende

Dankie vir die raad Grootwind en Len. Ek sal beslis julle raad volg. 

Tog interressant dat vervaardigers mens omtrent met alle mag wil oortuig dat dit nie meer nodig is nie. Hulle weet goed dat die meeste mense daarteen opsien om dit te doen. 

Grootwind: Daardie 2-3 minute luier, staan jy sommer by die pompe voor jy volmaak, of staan jy so 'n entjie weg?? Ek wil darem nie by Alzu al begin kruip omdat ek by Milly's wil volmaak nie O wag, met 'n 2.4 Hilux kruip mens elkgeval 

Met die eerste turbo's het vervaardigers jou aangeraai om eers die enjin vir 'n minuut of twee te laat luier voordat jy die enjin afskakel - ten einde die turbo kans te gee om af te koel.

Vandag word daar nie meer sulke waarskuwings gegee nie. Ek glo dit het te doen met die feit dat seker alle moderne turbo's toegerus is met 'n "inter-cooler" wat meebring dat die turbo heelwat koeler sy werk verrig.

Of praat hierdie leek nou bollie?