Die wildtuin wink alweer

... vir die wense van 'n veilige reis. Ek drink gou my laaste oggendkoffie voordat ek in die stort spring, die tasse inpak en die langpad vat. Dit wil voorkom, aldus YR.no, of ons 'n bietjie hittd gaan trotseer. Vandag ry on 36°C wêreld in (voorspelling vir Beaufort-Wes).

Ons het toe later uit Kleinmond weggekom as beplan - alhoewel ek nie verbaas was nie, maar ek zip my bek toe oor die rede) - eers 08:45. Wyn gekoop by Aan De Doorns - net om te wys ek was daar. En ruik dit nie lekker tydens die parstyd nie!

Brunch was toe eers later Len. Ons was eers so 10:45 by Veldskoen.

Ek het 'n video geneem van Veldskoen, maar ek is tans op die selfoon en is bietjie onnosel oor hoe om dit van You Tube af oor te laai. Ek sal dit doen as die laptop weer aangeskakel word. 

'n Koffiestop by Laingsburg Wimpy was aan die orde van die dag, want Ralie moes 'n plek vind om haar lone-betaaltaak te kon doen. Ek het sommer daar diesel ingegooi @ R24.92/ liter. Alhoewel ek in Beaufort-Wes gesien het dat die Engen Truck Stop se diesel kos R22.52/liter, het ek nie weer daar volgemaak nie. Volgens die Hilux se berekening was my brandstofverbruik tot daar 11.7 km/liter. Dit staan nou hier by Travalia, sedert die volmaak op Laingsburg, op 12.3 km/liter. Terloops Len - ek sien dat jou gewone stilhouplek op Touwsrivier is nou 'n Engen vulstasie - nie meer BP nie.

'n Vinnige bene-rekstop (of noem dit dan maar 'n piepiestop) by Rietfontein padstal naby Leeu-Gamka het gevolg voor ons die laaste skof tot Travalia aangepak het.

Tussen Leeu-Gamka en Beaufort-Wes het die bakkie 'n buite-temperatuur van 38°C aangedui. Toe ons 17:00 hier by Travalia aankom het dit 34°C gewys. Tans is dit heerlik buite en gaan ek nou-nou 'n vuurtjie aansteek. Hulle het pas ons vleis gebring.

Ek sal video clips van Veldskoen en Travalia plaas sodra ek kan.

Ons het vandag 'n korterige afstand gehad om te ry - slegs vanaf Drie Susters tot De Aar. Omdat ons nie te vroeg hier wou arriveer nie, omdat ons nie Ralie se skoonsus wou opsaal met middagete nie, het ons so lank as moontlik vertoef by Travalia, waar ons teen 10:00 moes uitboek. 'n Heerlike tydsame noenmaal (ek verstaan dit is die Afrikaanse woord vir 'brunch') by hulle padstal het eers gevolg en toe is 'n paar aankopies afgehandel, waaronder vanaand se lamstjops, boerewors en skilpadjies. Laasgenoemde laat my onwillekeurig dink aan Wessel se heerlike skilpadjies tydens die Herfsblare saamtrek.

Ek het ook 'n video clip van die padstal geneem en sal dit plaas sodra ek my laptop opgestart het om dit eers op You Tube te laai.

Ek het besluit om rustig te ry tot De Aar - my karaaan-sleepspoed nl. 90 kpu. Heerlik om so rustig op die pad te wees. Maar dit is ook verstommend wat dit aan brandstofverbruik doen. Ek het diesel ingegooi in Victoria-Wes. My brandstofverbruik, aldus die Hilux se rekenaar, tussen Laingsburg en Victoria-Wes was 12.5 km/liter. Tussen Victoria-Wes en De Aar staan dit tans op 15.7 km/liter.

Mense - die swaar voertuie verniel darem ons paaie. Ek is só dankbaar dat ek nie die "Ou Lady" vandag saamgesleep het op die nét meer as 50 km van die N10 tussen Britstown en De Aar nie. Die mangaan "side tippers" ry die pad in sy peetjie. Ek verwag dat ek môre dieselfde sal ervaar op die gedeelte van die N10 wat ons sal ry totdat ons by Hanover by die N1 aansluit.

Kyk - dat dit warm is in die Karoo is nie altemit nie. Toe ons hier in De Aar aankom net na 13:30 wys die Hilux dat die buite temperatuur is 35°C. En YR wys dat Aldam môre nie veel sal verskil nie. Gisteraand het ons darem 'n lugreëlaar gehad, maar vanaand sal 'n waaier maar verligting moet bring.

Môre se roete neem ons via Colesberg (vir vleis-aankope by Chargo en moontlik 'n brunch ook), Bloemfontein en Winburg tot by Aldam. Ek moet by Chargo gaan kyk waaroor Geert so 'brag'.

Ons is vanoggend 08:20 op De Aar weg. In Colesberg het ons gou by Chargo sirloin steaks vir vanaand gekoop en bees-sosaties en kaaswors vir môre-aand in Middelburg. Ralie was toe eerder lus vir 'n Wimpy ontbyt by Colesberg.

Ek het weer volgemaak met diesel by Springfontein. Daar was 'n dramatiese verskil in brandstofgebruik toe ek vanaf De Aar slegs 10 kpu vinniger gery het (100 kpu). Die gebruik het gesak tot net meer as 12 km/liter.

Na 'n koffiestop by die Wimpy by Bloemfontein, het ons net na 15:30 hier by Aldam aangekom op 'n snikhete middag - 37°C. 

Ons blyplek hier het'n lieflike uitsig oor die Allemanskraaldam.

Die lekkerte van 'n Smokey Joe Weber - jy maak sommer "vuur" op 'n plastiektafel.

... dit is mammie se glas polisiekoffie wat daar staan. Sy's nogal lief daarvoor om die aand met enetjie af te skop voordat haar BC Bacchanté aan die beurt kom. Maar jy sal darem sien dat my Skotse drankie staan ook bietjie agtertoe. Jy kyk fyn nê.

Toe ons gisteraand gaan slaap, kon ons hoor dat 'n onplesierige wind opgesteek het. Vanoggend het die wind bietjie kalmeer, maar dit was nogal koelerig - 'n lafenis na die vorige paar dae se erge hitte.

Ons is teen 08:20 by Aldam weg en het byna 'n no.99 roete-verandering gemaak. Op die 09:00 nuus het ons verneem dat daar protes-aksie op die N12 en N1 naby Soweto is. Die gedagte was dat ek dan kort anderkant die Vaal Tolplaza sou afdraai op die R59 en later weer by die N12 aansluit anderkant die amok-area.

Ons het gou 'n Wimpy-brekkie by die Kroonvaal Engen 1 Stop genuttig en tydens die 11:00 nuus verneem dat die beplande roete weer oopgestel is vir verkeer. Ons het besluit om by plan A te bly en geen probleme ervaar nie. Maar Johannesburg en omgewing se paaie is maar elke keer vir hierdie plattelander 'n minder aangename ervaring.

Nietemin, ons is veilig by ons oornagbestemming waar ons 14:15 arriveer het. Dit is 'n ourige huis, maar ons kamer is uiters netjies en gerieflik ingerig. Vanaand braai ons beesvleis-sosaties en kaasworsies van Chargo. Terloops - daardie sirloin steaks van gisteraand was uit die boeke uit. Dankie Geert dat jy Chargo onder my aandag gebring het.

The Gables Gastehuis, Middelburg.