Blou Water pompie

Okay, fout gekry.

Dit was 'n swak kontak by die tweede wasbak.

Ai Arie, ek kom nie in by daai kliek nie. Seker te lig in die broek vir hulle.

Nou kan ek net 'n T-stuk insit en dan vir die buite wasbak vandaar af tap, met 'n mikro skakellaar.

My plan om die binne stoof en daai opwasbak uit te haal gaan ook binnekort op die lysie af kom.

Dus gaan ek sommer daai kraan buite gebruik.

Dankie Willem, baie oulike idee, ek wonder hoeveel mense gebruik daai binne wasbak.

Ek gaan basies die selfde doen met die opwas, die warm water aandra doen dit nie meer vir my nie.

My vrou gebruik die vanity wasbakkie, maar die opwasbak, nog nooit gebruik nie.

Het vandag die gas pype en die opwas se pype verwyder, die kraan lê nou en wag om aan gepas te word.

Ek gaan die kraan aanpas om by die water verwarmer te gebruik.

Dusty, ons probeer ook om altyd naby 'n kraan te staan, maar dit is nie altyd moontlik nie.

Ek ry so 15m tuinslang saam, dit was al baie keer te kort.

Moet nou vir my 'n nuwe blad maak waar die gas stoof en opwas bak uit kom.

Nee magties, ek sukkel met daai krane, het nou al om geruil maar dit werk net nou en dan.

As ek die drade "dead short" pomp die ding solank ek dit kort sluit, sodra ek die konnekter blok terug sit pomp dit solank ek die kraan in die aan posisie hou, maar as dit af was, kom hy nie weer aan nie.

Altwee krane kan tog nie dieselfde fout hê nie?

Dankie Willem, ek sal more kyk, dit maak nie sin nie, want dit is net 'n kontak met twee drade wat nie polariteits bewus is nie.

Maar ek sal more kyk, en terugvoering gee, ek hoop jy is reg, want dit is nogal 'n kopseer om so te sukkel.

Willem, jy is reg, die mikro skakellaar is wragtig polariteits bewus.

Gister vier keer die drade ontkoppel, selfs die krane geruil, niks.

Na jou advies, gaan ek toe en toets watter draad is + en koppel die bruin draad daarop, bloue op die -, en daar werk die kraan soos 'n droom.

Baie dankie, ek wardeer dit.?

En daar brand my blou pompie (die Penta sin) die week by Weesgerus, iemand het nooit die ding af gesit nie, en dit het droog geloop. Ek gaan nou 'n spaar hoë druk pompie inbou en 'n buite kan gebruik.

Môre Len, my vrou gebruik graag die gesig wasbak, die ander wasbak het ek uit gehaal en 'n soliede blad op gesit. My Penta het nie 'n eie gieser nie, en ek het een in gebou met die virus in gedagte.

Iemand moes die kraan (per ongeluk) aan gesit het voor ek water in die tenk getap het, dit kon dalk al reeds by ons huis gewees het, want die pompie was vas gebrand.

By Out There 24 in Nylstroom kos die pompie R400.00, en ek sien nie kans om soveel te betaal nie.