Willem se Territory ST

Dis goeie nuus! En dis betyds om vol te maak voor die grootste brandstof prys styging ooit (soos voorspel word deur die AA). 

So daai ST gaan weer lekke loop bly vir jou Willem

Hello Willem

Daai hart van jou klop seker tjoklits, nê.

Ry veilig turbo Direct toe, en werk stadig en deeglik met die terugsit.

Willem, twee goed. Sien die olie wat jy gaan gebruik is nie 100% sinteties nie maar basies 'n mengsel van mineraal en sinteties (amper soos versnit wyn!). Sekerlik beter as 'n mineraal olie maar nie beter as 100% sinteties nie. Ek sou dink 'n 100% sintetiese olie sou 'n beter opsie wees? Wel duurder. Tweedens wat die coolant aanbetref, ja die ou dae se water plus antivries wat net bygegooi word is lankal verby, weereens beter om die voorafgemengde goed te koop, die goed is sonder enige onsuiwerhede en is gewoonlik ontwerp om baie beter hitte oordrag te gee. Met die dat jy nou weet hoe moeilik dit is om onderdele vir daai Ford te kry sou ek vir die beste olie en coolant opsie gaan, beide kan net goed wees vir die herboude turbo se lewensverwagting?

Willem, baie bly vir jou part.

Willem, Sinteties is die Rolls Royce van olies, maar ek gebruik ook die Helix HX7. Wat ek moet noem, is dat ek enjin olie en filter elke 5000km verang, met Sinteties kan jy dit langer uitrek, maar my kilos per jaar is te laag om dit te regverdig.

So klomp jare gelede koop ek n Range Rover Vogue vir boot sleep. Doen die enjin oor, en sit vol sinteties in nadat dit ingeloop is. Merk op dat die oliedruk nou styg, en wonder wat aangaan. Vervang die filter, en dit is net n paar kilometer en dit styg weer. Wat die oorsaak was, is dat die enjin oorspronklik met normale olie gerwerk het, en so lagie plaak op die binnekant vasgepak het, amper soos n lagie vernis, Vol sinteties is n baie sterk wat genoem word "detergent" olie, en verhoed die soort aanpaksel. Dit het my n aardige bedrag aan gereelde olie en filters ruil gekos voordat dit opgeklaar het. So loer maar op die olie wat jy tot dusver gebruik het of dit wel n "detergent" olie was.

Môre Willem

Volgens my Hilux boekie beskrywing moet jy die syfers as volg interpreteer;

Byvoorbeeld, 5W-30 toon die syfer voor die W toon hoe maklik  die kar aanskakel in koue toestande. 5W nodig as jy in temperature van laer as -18C werk. 10W vanaf -18C opwaarts.

Die 30 is aanduiding van viskositeit. Hoe groter die syfer hoe beter vir hoê spoed of swaar diens.

Ek dink jy moet 'n olie soek wat ten minste die 40 viskositeit het, en nie fokus op die syfer voor die W nie. Dus daai Shell Helix 10W-40 lyk vir my aanvaarbaar. 

Hello Willem

Volgens jou inset op 17 Maart, lyk dit dan asof jy wel Shell Helix 15W-40 opgespoor het. Dit vergelyk mos dan presies met wat Ford jou vertel het.

Daardie turbo lyk wraggies soos 'n splinternuwe een.

Sterkte met die installasie-proses.

Ns. Ek aanvaar jy sal as handlanger optree.

Hello Willem

Ek dink dit sal werk vir jou doel en ons temperature.

Jou vrou salg jou af oor jy ysters op haar gehekelde tafeldoeke neersit

Wessel ?? bril afgehaal ?? Jou ou yster!!

Middag Herman, Willem

Herman: Jy sal opmerk, met 'n bril dat Willem se inset op 17 Maart om 8h24 wel melding maak van Helix 15W-40. Later dieselfde dag om 16h10 skryf Willem egter dat hy dit nie kon kry nie.

Soms het my bril 'n vetkol op, of my begriplees is laag, maar ek het dan sy 1ste inskrywing verkeerd gelees/interpreteer

.............hoe vorder die technici daar in Daspoort met die Terry-operasie.  Ek hoop hulle het genoeg "olie" in die yskas om gesmeer te bly.